[16] Niemaia 7

¹Sa vaka oqo, ni sa tara oti na bai-lalaga, sa coba oti na katuba, era sa digitaki ka lesi nai vakatawa ni matamata, o ira na daunisere kei ira na livai,

²Au sa solia nai vakaro e Jerusalemi vua na taciqu o Anani kei Anania nai liuliu ni tikina cecere, ni sa tamata dina sara ka sa rerevaka vakalevu na Kalou o koya mai vei ira na lewe vuqa.

³Au sa tukuna vei ira me kua ni dolavi na katuba me yacova ni sa siga levu tutu; "Ni ra sa yadra tiko, me ra sogota na katuba ka vakalatia, ka lesi nai vakatawa mai vei ira na lewe i Jerusalemi, me dua ena nona vale ni yadra, ka dua ena mata ni nona vale ga."

⁴Na koro o Jerusalemi sa rui levu ka rabailevu, na tamata era tiko kina sa lewe lailai, na veivale era sa sega ni vakavinakataki.

⁵Sa biuta e lomaqu na Kalou me'u vakasoqoni ira mai na turaga, na veiliutaki kei ira na tamata me ra mai volai e nai vola tuvatuva ni nodra dui kawa. Au sa kunea talega nai vola ni nodra kawa o ira e ra a lako mai e nai matai ni lakolako, ka sa kune kina oqo:

⁶Oqo o ira kece era sa lesu mai ena veivakabobulataki, o ira era a mai kau vakavesu mai vei Nepukanesa na tui Papiloni, kei ira era sa lesu mai ki Jerusalemi, e Juta o ira yadua ki na nona koro.

⁷O ira oqo sa lesu vata mai kei Serupepeli, o Josua, Niemaia, Asaraia, Raamaia, Neamani, Motekai, Bilisani, Misipereci, Bikivai, Neumi kei Baena. Na kedra i wiliwili na tagane mai vei ira na Isireli:

⁸O ira na luvei Parosi e rua na udolu dua na drau vitusagavulu ka rua;

⁹O ira na luvei Sevataia e tolu na drau vitusagavulu ka rua;

¹⁰O ira na luvei Ara e ono na drau limasagavulu ka rua;

¹¹O ira na luvei Paaci “ Moapi, na luvei Josua kei Joapi e rua na udolu walu na drau tinikawalu;

¹²O ira na luvei Ilama e dua na udolu rua na drau limasagavulu ka va;

¹³O ira na luvei Satu e walu na drau vasagavulu ka lima;

¹⁴O ira na luvei Sakai e vitu na drau onosagavulu;

¹⁵O ira na luvei Binui e ono na drau vasagavulu ka walu;

¹⁶O ira na luvei Bebai e ono na drau ruasagavulu ka walu;

¹⁷O ira na luvei Asiqati e rua na udolu tolu na drau ruasagavulu ka rua;

¹⁸O ira na luvei Adonikama e ono na drau onosagavulu ka vitu;

¹⁹O ira na luvei Bikivai e rua na udolu onosagavulu ka vitu;

²⁰O ira na luvei Adini e ono na drau limasagavulu ka lima;

²¹O ira na luvei Ata mai Esekaia e ciwasagavulu ka walu;

²²O ira na luvei Asumi e tolu na drau ruasagavulu ka walu;

²³O ira na luvei Besai e tolu na drau ruasagavulu ka va;

²⁴O ira na luvei Arifi e dua na drau tinikarua;

²⁵O ira na luvei Kipioni e ciwasagavulu ka lima;

²⁶Na tagane mai Peceliema kei Nitofa e dua na drau tinikawalu;

²⁷Na tagane mai Anacoci e dua na drau ruasagavulu ka walu;

²⁸Na tagane mai Beci Asamaveci e vasagavulu ka rua;

²⁹Na tagane mai Kirijaci-Jearimi, Jepina kei Biroci e vitu na drau vasagavulu ka tolu;

³⁰O ira na tagane mai Rama kei Kipa e ono na drau ruasagavulu ka dua;

³¹O ira na tagane mai Mitimasi e dua na drau ruasagavulu ka rua;

³²O ira na tagane mai Peceli kei Ai e dua na drau ruasagavulu ka tolu;

³³O ira na tagane mai vei Nipo ka dua e limasagavulu ka rua;

³⁴O ira na Ilama (e dua tani tale) e dua na udolu rua na drau limasagavulu ka va;

³⁵O ira na luvei Arimi e tolu na drau ruasagavulu;

³⁶O ira na luvei Jeriko e tolu na drau vasagavulu ka lima;

³⁷O ira na luvei Lodi kei Adidi kei Ono e vitu na drau ruasagavulu ka dua;

³⁸O ira na luvei Sena e tolu na udolu ciwa na drau tolusagavulu.

³⁹O ira na bete kei ira na luvei Jedaia ena vuvale nei Josua e ciwa na drau vitusagavulu ka tolu;

⁴⁰O ira na luvei Ima e dua na udolu limasagavulu ka rua;

⁴¹O ira na luvei Pasuri e dua na udolu rua na drau vasagavulu ka vitu;

⁴²O ira na luvei Arimi e dua na udolu tinikavitu.

⁴³O ira na Livai: O ira na luvei Josua na Kadimieli kei ira na luvei Odeva e vitusagavulu ka va.

⁴⁴O ira na daunisere: Na luvei Esafa e dua na drau vasagavulu ka walu.

⁴⁵O ira nai vakatawa ni matamata: na luvei Salumi, na luvei Ata, na luvei Talimoni, na luvei Akubu, na luvei Atita, na luvei Sobai e dua na drau tolusagavulu ka walu.

⁴⁶O ira na Necinimi: na luvei Sia, na luvei Asupa, na luvei Tabaoci,

⁴⁷O ira na luvei Kerosi, na luvei Sia, na luvei Padoni,

⁴⁸O ira na luvei Lebana, o ira na luvei Aqaba, na luvei Salimai,

⁴⁹O ira na luvei Anani, o ira na luvei Qideli, o ira na luvei Qaeri,

⁵⁰O ira na luvei Reaia, o ira na luvei Rasini, na luvei Nekoda,

⁵¹O ira na luvei Qasama, o ira na luvei Usa, o ira na luvei Pasea,

⁵²O ira na luvei Besai, o ira na luvei Meunimi, o ira na luvei Nefisesimi,

⁵³O ira na luvei Bakabuku, o ira na luvei Akupa, o ira na luvei Aruri,

⁵⁴O ira na luvei Basilici, o ira na luvei Meida, o ira na luvei Asa,

⁵⁵O ira na luvei Bakoso, o ira na luvei Sisera, o ira na luvei Tama,

⁵⁶O ira na luvei Nesia kei ira na luvei Atifa.

⁵⁷O ira na luvedra na dauniveiqaravi i Solomoni: O ira na luvei Sotai, o ira na luvei Sofereci, o ira na luvei Perida,

⁵⁸O ira na luvei Jaela, o ira na luvei Dakoni, kei ira na luvei Qideli,

⁵⁹O ira na luvei Sefatia, o ira na luvei Atili, na luvei Posereci mai Sebaimi kei ira na luvei Amoni.

⁶⁰O ira kece na Necinimi, kei ira na luve ni dauveiqaravi nei Solomoni e tolu na drau ciwasagavulu ka rua.

⁶¹O ira oqo era sa lako cake mai Teli Mela, Teli Asa, kei Jerupi, Adoni kei Ima, ia era sa sega ga ni rawa ni ra kila na vale i tamadra se na nodra kawa, se era Isireli se sega:

⁶²O ira na luvei Delaia na luvei Tobia na luvei Nekoda, e ono na drau vasagavulu ka rua;

⁶³Kei ira mai vei ira na bete: O ira na luvei Abaia, o ira na luvei Kosi, o ira na luvei Basiliai o koya sa taura e yalewa vei ira na Basiliai na kai Kiliati era sa kacivi ena yacadra.

⁶⁴O ira oqo era sa saga me ra kila e na yaca sa tu rawa mai nai vola ni kawa, sa sega ga ni kunei, era sa biu tani mai kina i tutu vakabete ka ra sa dukadukali.

⁶⁵Sa vosa vei ira na kovana ka tukuna mera kua ni kana mai na ka tabu sara me yacova ni sa vakasala na bete e na Urimi kei na Cumimi.

⁶⁶Nai soqosoqo taucoko sa vasagavulu ka rua na udolu tolu na drau onosagavulu,

⁶⁷O ira na dauveiqaravi tagane kei na yalewa era lewe vitu na udolu tolu na drau tolusagavulu ka vitu, ka ra sa lewe rua na drau vasagavulu ka lima na daunisere yalewa kei na tagane.

⁶⁸Na ose e vitu na drau tolusagavalu ka ono kei na meule e rua na drau vasagavulu ka lima,

⁶⁹Na kameli e va na drau tolusagavulu ka lima, na Asa e ono na udolu vitu na drau ruasagavulu.

⁷⁰E so nai liuliu ni vuvale era sa soli ka ki na ka ni cakacaka. Na kovana sa solia e lima na udolu na dola na koula, limasagavulu na beseni koula kei na lima na drau tolusagavulu nai lobi sulu vakabete.

⁷¹O ira na liuliu ni yavusa (vuvale), e so vei ira era sa solia e dua na drau na udolu na dola na koula, vitusagavulu ka vitu na udolu na dola na siliva.

⁷²O ira na kena vo ni tamata era sa solia e dua na drau na udolu na dola na koula, vitusagavulu na udolu na dola na siliva kei na onosagavulu ka vitu nai sulu vakabete.

⁷³O ira na bete, na livai, nai vakatawa ni matamata, o ira na daulagasere eso na Necinimi kei ira kece na Isireli era sa dui tiko ena nodra veikoro. Ni sa yaco mai na kavitu ni vula, o ira na luvei Isireli era sa tiko ena nodra dui koro.