[4] Na Kedra I Wiliwili 13

¹Sa vosa o Jiova vei Mosese, ka tukuna,

²"Mo tala yani e so na tamata me ra la'ki raica ka vakadikeva mai na vanua o Kenani, Au sa solia oti tu vei ira na Isireli; mai na veiyavusa ni nodra qase me digitaki mai e dua, o ira era i liuliu ena kedra maliwa."

³Sa talai ira yani o Mosese mai na Vanua Liwa e Parana me vaka sa vakarota o Jiova, o ira kece oqo erai liuliu mai vei ira na Isireli.

⁴Sai koya oqo na yacadra; mai na yavusa i Rupeni, o Samua na luvei Sakuri;

⁵Mai na yavusa i Simione, o Safati na luvei Ori;

⁶Mai na yavusa i Juta, o Kelepi na luvei Jifune;

⁷Mai na yavusa i Isakari, o Igali na luvei Joseva;

⁸Mai na yavusa i Ifereimi, o Osea na luvei Nuni;

⁹Mai na yavusa i Penijamini, o Palati na luvei Rafu;

¹⁰Mai na yavusa i Sevuloni, o Gadieli na luvei Sodi;

¹¹Mai na yavusa i Joseva, ka cavutu mai na yavusa i Manasa, o Gadi na luvei Susi;

¹²Mai na yavusa i Tani o Amieli na luvei Kemali;

¹³Mai na yavusa i A seri, o Seturi na luvei Maikeli;

¹⁴Mai na yavusa i Navitalai, o Nabi na luvei Vofisi;

¹⁵Mai na yavusa i Kata, Geueli na luvei Maki.

¹⁶Sai koya oqo na yacadra na tagane ka talai ira yani o Mosese me ra la'ki vakadikeva mai na vanua. Ia, o Mosese sa vakatokai Osea na luvei Nani, me o Josua.

¹⁷Sa qai talai ira yani o Mosese me ra la'ki vakadikeva mai na vanua o Kenani, ka tukuna vei ira, "Mo ni muri cake ena Ceva ka cabe cake kina veiulunivanua,

¹⁸"Ka raica se vakacava sara tu na vanua; o ira na tamata era tawana tiko era tamata kaukauwa se ra malumalumu, era lewe levu se ra lewe lailai;

¹⁹"Na vanua era taukena e vanua vinaka se vanua ca: kei na veikoro era tiko kina e vaka na i tikotiko se ra vanua ni valu;

²⁰"Na qele e qele bulabula se qele matemate ka vakatalega kina na veivunikau e tu se sega. Mo dou kaukauwa ka qaqa. Ka mo dou kauta talega mai e so na vua ni kau ni vanua." Oqo e donuya tiko na vula i matua ni vua ni vaini.

²¹Era sa qai lako cake me ra vakaraica yani e na vanua mai na Vanua Liwa e Sini me yaco sara i Reopi, volekata na i curucuru i Amaci.

²²Era sa qai muria cake na Ceva ni vanua ka ra yaco sara I Epironi; Aimani, Sesai, kei Talimai, era tiko e keya na luvei Anaki. (Ia o Epironi oqo ea tara sara e liu e na loma ni vitu na yabaki ni bera o Soani e Ijipita.)

²³Era sa yaco sara kina Buca o Esikoli, ka ra mani taya sara e dua nai soso vua ni vaini; era sa mani vakaivuataka yani e na dua na kau. Era sa kauta talega mai e so na pomekaraneti kei na vua ni lolo.

²⁴Sa vakatokai na vanua o ya me Buca o Esikoli baleta nai soso vua ni kau era a taya sobu e keya na Isireli.

²⁵Era sa qai lesu mai ni mai cava na nodra vakadikeva na vanua ni oti e vasagavulu na siga.

²⁶Ni oti oqo, era sa qai cavutu ka lesu tale mai vei Mosese kei Eroni kei ira kece nai vavakoso ni Isireli ena Vanua Liwa e Parana, mai Ketesa; era sa vakauta lesu mai nai tukutuku kivei ira nai vavakoso ka vakatakila vei ira na vuanikau ni vanua.

²⁷Ka ra sa qai tukutuku vei koya, ka vaka; "Keimami sa lako yani kina vanua o a talai keimami yani kina. E dina ni drodro tu kina na wai ni sucu kei na o ni, ka sa tu oqo na kena vua ni kau.

²⁸"Ia, o ira na tamata era taukena na vanua era tamata kaukauwa; na koro era vaka bai ka rui raba levu; ka keimami raici ira talega na luvei Anaki e keya.

²⁹"O ira na Amalekaiti era toka mai na Ceva; o ira na Itaiti, na Jepusaiti, kei na Amoraiti era tiko e veiulunivanua; o ira na kai Kenani e ra toka ena veibaravi kei na bati ni uciwai na Joritani."

³⁰Sa tukuna vei ira na tamata o Kelepi me ra tiko lo e na matai Mosese, ka vaka, "Me da lako cake ga vakadua me da laki taukena, ni sa rawarawa sara vei keda meda vakamalumalumutaka."

³¹Ia, o ira na tamata era a lako cake vata kei koya era sa tukuna, "E sega ni rawa vei keda me da lako cake ka valuti ira na tamata oqo, baleta ni ra sa rui kaukauwa mai vei keda."

³²Era sa qai solia e dua nai tukutuku ca vei ira na luvei Isireli me baleta na vanua era a la'ki vakaraica mai, ka ra tukuna, "Na vanua keimami a la'ki vakaraica mai, era veikanikani mada ga na tiko kina, o ira li na tamata keimami raici ira e keya, era tamata bulicaki lelevu.

³³"Keimami raici ira talega e keya na tuwawa (o ira na luvei Anaki era kawa ni tuwawa); ka keimami sa vaka ga na vodre, oi keimami e matadra."