[20] Vakaibalebale 22

¹Na yaca vinaka me digitaki mai na i yau levu, Na loloma sa vinaka mai na siliva kei na koula.

²Na vutuniyau kei na dravudravua, e rau sa tautauvata ena ka oqo, o Jiova sa buli rau ruarua.

³Na yaloqaseqase sa raica rawa e liu na leqa, sa qai vunitaki koya, ia, na tamata wale, sa lako ga yani ka sa totogitaki.

⁴Na yalomalunalumu kei na reravaka na Kalou sa veivakavutuniyautaki, kune kina na dokai kei na bula.

⁵Nai cori kei na voto ni moli e rau na sota kei koya sa muri lomana, o koya sa qarauni koya ena lako vakavinaka.

⁶Tubera na gone ena sala dodonu me lako kina, ni sa qase mai, ena sega ni lako tani mai kina.

⁷Na vutuniyau sa lewai koya na dravudravua, sa vakakina na daukerekere vei koya sa solia vua.

⁸O koya sa kaburaka na ca, ena tamusuka na rarawa kei na i titoko ni nona cudru ena yali.

⁹O koya sa levu na ka e raica ena vakasaututaki, ni sa solia na madrai vei ira na dravudravua.

¹⁰Ni sa cemuri na veivakalialiai, na veiba ena yali, io, na veileti kei na veibeitaki ena oti.

¹¹O koya sa vinakata na yalo savasava ka sa tiko e gusuna na loloma, e na nona i tokani vinaka na tui.

¹²Na mata i Jiova sa maroroya na vuku, sa vuaviritaka na nona vosa na sega vakabauta.

¹³Na tamata vucesa sa tukuna tikoga, "Sa tiko e tuba na laioni! Au na vakamatei kevaka, au na lako e gaunisala!"

¹⁴Na gusuna na yalewa ca sa qara titobu, O koya sa cala vei Jiova sa lutu kina.

¹⁵Na lialia sa vauci e lomana na gone, na kuita ni veivakadodonutaki ena cemuria tani mai vua.

¹⁶O koya sa vakasaurarataka na dravudravua me vutuniyau kina, kei koya sa soli ka vua na vutuniyau, ena lako dina ga vei ira na dravudravua.

¹⁷Vakatudaliga mai mo rogoca na nodra vosa na yalomatua. Solia mai na yalomu ki na noqu vuku;

¹⁸Ni sa dua na ka vinaka kevaka o sa maroroya oqo ki na yalomu; Me ra sa kabita sara na tebenigusumu,

¹⁹Me rawa kina ni tiko na nomu vakararavi vei Jiova; Au sa vakasalataki iko ni kua, io, o iko.

²⁰E sega beka, ni au a vola vei iko na ka vivinaka ni vakasala kei na kila ka,

²¹Mo kila kina na taucoko ni vosa ni dina ki vei ira sa talai vei iko?

²²Kua ni butakoca na dravudravua baleta ni sa dravudravua. Mo kua ni vakasaurarataki ira na mavoa e na matamata;

²³O Jiova ena raica na nodra i lakolako, ka na butuka sobu na yalodra na dauveibutuki.

²⁴Kua ni veiwekani kei na tamata cudrucudru Kua ni lako vua na tamata dau vakavu vala,

²⁵De o qai vulica na nona i valavala Ka birika na kemu dai vakai iko.

²⁶Mo kua ni dua vei ira sa yalayala ka vakadeitaki ena lululu, E dua ga oqori, nai vakadei ni dinau;

²⁷Kevaka sa sega na ka mo sauma, na cava na vuna me mai kau tani kina na nomui davodavo mai vei iko?

²⁸Mo kua ni kisiva na i yalayala ni nomu vanua, era sa biuta oti tu na qase.

²⁹O sa raica beka e dua na tamata sa uasivi sara ena nona cakacaka, Ena tucake e matadra na tui, Ena sega ni tucake e matadra na tamata sa sega ni kilai.