[19] Same 105

¹Io, solia na vakavinavinaka vei Jiova! Kaciva na Yacana; Vakaraitaka na Nona cakacaka vinaka vei ira na tamata kecega!

²Sere vua, lagata vua na same; Veitalanoataka kei ira kecega na totoka ni Nona cakacaka!

³Nai ukuuku ni Yacana Tabu; o ira sa vakaraici Koya, me reki tiko na yalodra!

⁴Vakaraici Jiova kei na Nona kaukauwa; Vakaraica vakalevu na Matana!

⁵Vakananuma na cakacaka vinaka sa cakava o Koya. Na nona vakaqoroqoroi kei na lewa sa tauca na gusuna,

⁶Kemudou na kawa i Eparama na Nona tamata. Kemudou na luvei Jekope na Nona digitaki!

⁷Sai koya ga o Jiova na noda Kalou; Na Nona lewa sa tu e vuravura taucoko.

⁸Sa nanuma tikoga na Nona veiyalayalati ka sega ni mudu, na vosa sa vakarota oti, ki nai taba tamata e udolu,

⁹Na veiyalayalati sa cakava vei Eparama kei na Nona bubului vei Aisake,

¹⁰Sa vakadeitaka vei Jekope mei lesilesi, vei Isireli me veiyalayalati e sega ni mudu,

¹¹Sa tukuna kina vei iko, "Au na solia na vanua o Kenani, me nodra i votavota na nomu kawa,"

¹²Ni ra se lewe lailai tikoga, e lewe lailai sara, ka ra se vulagi kina.

¹³Ni ra sa lako mai na dua na vanua ki na dua tani tale, mai na dua na matanitu ki na dua tale,

¹⁴Sa sega ni vakatara, me dua e vakacalai ira se vunauci ira ena vukudra,

¹⁵Ni sa tukuna, "Me kua ni dua e tarai ira ka'u sa lumuta, se, mo vakaleqai ira na Noqu parofita."

¹⁶Sa kaciva e dua na dausiga levu ni vanua; Sa vakarusa kece nai vurevure ni madrai.

¹⁷Sa vakatala e dua me liu vei iraO o JosevaO o koya sa volitaki vakabobula.

¹⁸Era sa vesuki koya vakaukauwa ena senicodo ka vakadavori koya ena vata kaukamea.

¹⁹Me yacova na gauna sa vakayacori kina na nona vosa, sa vakatovolei koya na vosa i Jiova.

²⁰Sa talatala na tui me sereki o koya, na nodra kovana na tamata sa sereki koya me lako.

²¹Sa vakayacori koya me turaga ni nona vale, ka me lewa talega na veika kece e taukena,

²²Me vakasalataki ira na turaga lalai, ka vakavulica vei ira na nona qase na yalomatua.

²³O Isireli talega sa lako mai Ijipita, kei Jekope talega sa lako voli ena Vanua nei Ame.

²⁴Na Kalou sa vakalewevuqataki ira na Nona tamata, ka era sa cakacaka kaukauwa cake mai vei ira na kedra meca.

²⁵Na Kalou sa vukica na yalodra me ra cati ira na Nona tamata, ka me cakacaka vakaveivakaisini vei ira.

²⁶Sa talai Mosese na Nona tamata kei Eroni, e sa digitaka.

²⁷Era usa cakava na Nona veivakurabuitaki vei ira, kei nai vakatakilakila lelevu ena Vanua nei Ame.

²⁸Na Kalou sa tala yani na butobuto me vakabutobutotaka, ka era sa sega ni vuki tani mai na Nona Vosa.

²⁹Na Kalou sa vukica na nodra wai me dra, ka vakamatea na kena ika.

³⁰Sa sinai na nodra Vanua enaboto, era sa kune sara ena nodra vale na tui.

³¹Sa vosa o Koya, era sa vuka mai na yavusa lago kei na kutu ena nodra vanua taucoko.

³²Sa vakavuna vei ira n auca matailelevu ka tau bi kei na bukawaqa ena nodra Vanua.

³³Sa ravuta na nodra vei vaini kei na nodra veilolo, ka era sa tabalesi kecega na taba ni veivunikau ena vanaua.

³⁴Sa vosa, era sa lako mai na vodre, na vodre gone era sa sega ni wili rawa,

³⁵Era sa kania kece na veidraunikau ni Vanua ka vakacacana na vuata kecega.

³⁶Na Kalou talega sa vakarusa na ulumatua ni ka kecega ni vanua, na ulumatua ni nodra kaukauwa kecega.

³⁷Sa kauti ira vata mai, kei na koula kei na siliva, ka sa sega ni dua vei ira e malumalumu ena kedra maliwa na Nona tamata.

³⁸Sa marau oijipita ni ra sa lako tani, baleta ni sa tarai na Ijipita na rerevaki ira.

³⁹Na Kalou sa vakarurugi ira ena o, kei na bukawaqa me vakararamataki ira ena bogi.

⁴⁰Era sa kerekere na tamata, Na Kalou sa qai tala mai vei ira na toa, ka vakamamautaki ira ena madrai mai lomalagi.

⁴¹Na Kalou sa vosa ki na vatu, ka sa Tacoma mai na wai; sa drodro yani ki na vanua mamaca me vaka na uciwai.

⁴²Ni sa nanuma na Kalou na Nona vosa ni yalayala savasava, kei Eparaama na Nona tamata.

⁴³Sa kauti ira tani mai na Nona tamata ena reki, o ira na Nona digitaki ena mamarau.

⁴⁴Sa solia vei ira na nodra vanua na kai matanitu tani, ka era sa taukena talega na nodra buno na veimatanitu,

⁴⁵Me rawa ni ra muria kina na Nona i lesilesi ka maroroya na Nona lewa. Me vakacerecerei o Jiova!