[19] Same 29

¹Oi kemudou na tamata qaqa, Dou solia vei Jiova, Dou solia vei Jiova, nai ukuuku kei na kaukauwa.

²Dou solia vei Jiova na cecere e dodonu ga, me caka ki na Yacana Tabu, Qarava na Kalou ena totoka ni Nona savasava.

³Na domo i Jiova sa robota na wai; Na Kalou vaka i ukuuku sa kurukuru; o Jiova sa robota na wai levu.

⁴Na domo i Jiova sa kaukauwa; Na domo i Jiova sa sinai ena vakaturaga.

⁵Io, o Jiova sa musuka rua na sitari ni Lepanoni.

⁶O Koya talega sa cakava na sitari me ra rika me vaka na luve ni bulumakau kila.

⁷Na domo i Jiova sa wasewasea na yameyame ni buka.

⁸Na domo i Jiova sa kuretaka na vanua liwa; o Jiova sa kuretaka na Vanua Liwa o Ketesi.

⁹Na domo i Jiova, sa vakavuna me vakasucu na me kila. Sa vakavuna me druka na veikau levu; e na loma ni Nona vale era sa tukuna kecega, "Lagilagi!"

¹⁰Sa dabe vakatui o Jiova ena Waluvu levu, o Jiova sa dabe vaka Tui me sega ni mudu.

¹¹O Jiova ena solia na kaukauwa vei ira na Nona tamata; o Jiova ena vakalouvinakataki ira na Nona tamata ena vakacegu.