[19] Same 61

¹Mo Ni rogoca na noqu tagi, Na Kalou; Ni goleva mai na noqu masu.

²Mai nai yalayala kei vuravura au na tagi yani vei kemuni, sa sinai na yaloqu; mo Ni tuberi au ki na Vatu sa cecere mai vei au.

³Ni Kemuni sai vakaruru vei au, ka koro ni vakatawa kaukauwa vei ira na meca.

⁴Au na tikoga vakadua ena Nomuni vale vakacevaceva; au na vakadinata na veivakarurugi ni Tabamuni. Sela

⁵Ni sai Kemuni na Kalou, sa rogoca na noqu yalayala; o Ni sa solia vei au nai votavota sa nodra o ira sa rerevaki Kemuni.

⁶O Ni na vakamarautaka na nona bula na tui, na nona veiyabaki ena veitaba tamata.

⁷E na tiko vakadua o koya ena mata ni Kalou. Io, mo Ni vakarautaka na yalololoma kei na dina me rawa ni maroroya na tui!

⁸Au na seretaka na vakavinavinaka ki na Yacamuni me Sega ni mudu, me'u na vakayacora kina ena veisiga na noqu yalayala.