[19] Same 64

¹Mo Ni rogoci au, Na Kalou, ena noqu vakanananu; me'u maroroi mai na rerevaki ira na meca.

²Me'u vunitaki mai na nodra buki vere na tamata ca, mai na nodra vakaduiduile na tamata vakasisila,

³O ira sa vakagata na yamedra me vaka nai seleiwau, na vosa gaga”me vaka sa vanataki na dakai titi,

⁴Me ra sa vanai ira vuni na tamata sega cala, e vakasauri na nodra vanai koya ka sega vei ira na rere.

⁵E ra sa vakauqeti ena caka ca, ra sa tukuna tiko na kena biu vuni tiko na dai, ka tukuna, "O cei ena raica?"

⁶E ra sa tuvana kina na caka ca, "ka era sa vakataucokotaka na lawaki ca." Na yalodra kei na lomadra ena tikina vuni e loma.

⁷Ia, Na Kalou, ena vanai ira vakasauri sara, ka era na mavoa.

⁸Na Kalou ena vakavuna na nodra vakabalei ena vosa ga ni gusudra. Era na dro kece o ira era sa raica.

⁹Na tamata kece era na rere, ka ra na vakatusa na ka sa cakava na Kalou.

¹⁰Era na rekitaka na Kalou o ira na yalododonu ka vakadinati Koya kei ira kecega sa dodonu na yalodra, era na vakaukauwataki.