[19] Same 86

¹Mo Ni vagolea mai na Daligamuni, Jiova, ka rogoci au, ni'u sa dravudravua ka vakaloloma.

²Me'u sa maroroi, ni'u sa yalosavasava, oi Kemuni na noqu Kalou; Mo Ni vakabula na Nomuni tamata o koya sa rui vakadinati Kemuni!

³Mo ni yalololoma mai vei au Jiova, au sa tagi tiko vei Kemuni ena siga taucoko.

⁴Me vakarekitaki na yaloi koya na Nomuni tamata. io, kivei Kemuni Jiova, sa vakavinavinaka tiko kina na yaloqu.

⁵O Ni sa rui vinaka Jiova, ka rawarawa ni veivosoti, sa rui levu na Nomuni yalololoma kivei ira kecega sa kaci yani vei Kemuni.

⁶Mo ni vakarorogo Jiova, ki na noqu masu, Mo Ni goleva mai na domo ni noqu kerekere.

⁷Ena gauna ni noqu leqa, Au na kacivi Kemuni Oi Kemuni ga, ena sauma vei au.

⁸Sa sega na Kalou e vakataki Kemuni; Jiova Sa sega na cakacaka me vaka taka na nomuni cakacaka.

⁹Na veivanua kecega o ni sa bulia, ena lako mai ka lotu vei Kemuni, Jiova, ka era na vakalagilagi Kemuni.

¹⁰O ni sa rui levu, ka cakava na veika lelevu, sai Kemuni duadua ga sa Kalou.

¹¹Mo ni vakavulica vei au na nomuni valavala, I Jiova,au na lako ena nomuni dina; vakaduavatataka na yaloqu me rerevaka na Yacamuni.

¹²Au na vakacaucautaki kemuni, Jiova na noqu Kalou, ena yaloqu taucoko, au na vakalagilagia na Yacamuni me sega ni oti rawa.

¹³Ni sa rui levu na Nomuni yalololoma vei au, o ni sa vakabula na yaloqu mai na titobu kei eli.

¹⁴Na Kalou, o ira na dokadoka, era sa tubu vakalevu mai kei ira na i valavala kaukauwa, era sa vakasaqarai au; era sega ni biuti Kemuni e matadra.

¹⁵Ia, Oi Kemuni, Jiova, na Kalou sa sinal ena loloma kei na vakayalololoma, na vosota vakadede, ka levu sara ena yalololoma kei na dina.

¹⁶Mo ni gole mai vei au, ka yalololoma mai! Mo ni solia na Nomuni kaukauwa vua na Nomuni tamata, Mo ni vakabula na luvei koya na Nomuni vada.

¹⁷Ni solia mai e dua na vakatakilakila ni vinaka, me ra raica o ira era cati au, me na kune madua, Baleta ni sai Kemuni Jiova, sa vukei au ka vakacegui au.