[66] Vakatakila 15

¹Au qai raica e dua tale nai vakatakilakila mai lomalagi, e vakadomobula ka veivakakidrowataki: e lewe vitu na agilosi sa taura e vitu na mate ca me sa kenai otioiti, ni sa vakatauca vei ira na Kalou nai otioti ni Nona cudru.

²E dua na ka e vaka na wasawasa tatalivaliva au raica ni veiwaki vata tu kei na bukawaqa, kei ira na gumatua mai vua na manumanu, kei na kena i vakatakarakara, kei na kenai vakatakilakila kei nai wiliwili ni yacana, era tucake tu ena wasawasa tatalivaliva o ya, ka ra taura tiko na i vakatagi na api, ka Nona na Kalou.

³Ka ra lagata tiko na sere kei Mosese, na i talai ni Kalou, kei na Nona sere na Lami, ka vaka: "Sa ka levu dina ka veivakurabuitaki na nomuni cakacaka, na Turaga ka Kalou Kaukauwa! E dodonu ka dina na Nomuni valavala, oi kemuni na nodra Tui na yalosavasava!

⁴O cei me sega ni rerevaki kemuni, na Turaga, me rokovi na yacamuni? Ni kemuni sa yalosavasava. O ira na veimatanitu era na lako mai ka mai cuva e Matamuni, Ni sa qai vakaraitaki mai na Nomuni na ia na veilewai."

⁵Ni oti yani oqo au qai rai yani, ka raica, Ni sa dolavi mai o lomalagi, ena loma ni vale ni soro me vakaraitaki mai, na ka mena vakayacori.

⁶Ratou sa qai curu mai oiratou na agilosi e vitu, ka ratou taura tu na mate ca E vitu, e ratou vakaisulu ena lineni vulavula ka savasava, ka vauci tu ena lomaseredratou na i vau koula.

⁷A sa dua vei iratou na va na ka bula, sa solia vei ratou na agilosi e vitu na bilo koula, sa vakasinaiti tu kina na nona cudru na Kalou, o koya ka bula me sega ni mudu.

⁸Ena loma ni vale ni soro sa solega tu na o kubou, ni sa vakasinaita tu na loma ni vale na kaukauwa kei na lagilagi ni Kalou, ka sa sega ni rawa ni curumi na vale ni soro, me yacova ni ratou sa vakacavara na agilosi e vitu na mate ca e vitu.