[38] Sakaraia 11

¹O iko Lepanoni, dolava na nomu katuba, Na bukawaqa ena kania na nomu sitari.

²Dou tagi na vei damanu ni ra sa bale na vei sitari, era sa vakacacani na veivunikau. Kemudou na oki mai Pasani, na veivunikau vavaku era sa davo.

³Sa rorogo na domo ni nodra tagi na i vakatawa! Na nodra lagilagi sa vakacacani. Sa rorogo na nodra tagikudru na laioni! Ni sa vakacacani na nodra dokadoka na Joritani.

⁴Sa tukuna o Jiova na noqu Kalou, "Vakani ira na qele ni sipi me ra vakamatei,

⁵"Era sa vakamatei mai vei ira na kena i taukei, ka ra sa vakalecalecava tu ga; era sa tukuna tikoga, 'Me vakalouvinakataki o Jiova ni ra sa volitaki sipi tiko, e ra sa vutuniyau,' o ira na i vakatawa era sa sega ni via kawaitaka.

⁶"Au na sega ni via kauwaitaki ira sa vakatawa tiko, na vanua," sa tukuna tale o Jiova ni lewe vuqa, "Ia, Au na soli ira yani ki vei ira na kai tani, ki vei ira na kena tui. Era na valuta na kena vanua, Au na sega ni vakabulai ira mai na ligadra."

⁷Au sa vakani ira na qele ni sipi me ra vakamatei, vakabibi o ira na dravudravua. Au sa taura e rua na kau: e dua sa vakatokai o Matavinaka, na kena i karua o Veivesuki. Au sa vakania na qele ni sipi.

⁸E na loma ni dua na vula, Au sa vakasukai iratou e tolu na i vakatawa. Na yaloqu sa cudruvi ira kei ira talega sa cati au.

⁹Au sa tukuna kina, "Au na sega ni vakani kemudou. Me mate na ka e dodonu me mate ka me rusa na ka e dodonu me rusa, o ira sa vo mera veikani vaka taki ira."

¹⁰Au sa qai taura na noqu i titoko o Matavinaka ka musuka rua, me rawa kina ni'u musuka rua na veiyalayalati Au sa vakayacora vei ira na tamata.

¹¹Sa qai voroki ena siga o ya. O ira na dravudravua ni noqu tamata e ra sa vakaraici au tiko, era sa kila, ni oqo na vosa ga i Jiova.

¹²Au sa qai tukuna vei ira, "Kevaka sa dodonu mai keri, solia mai na kequ i sau, kevaka sa sega mo suka yani." Era sa qai vakarautaka na kequ i sau e tolusagavulu na tiki ni siliva.

¹³Sa tukuna mai vei au o Jiova, "Viritaka na ka oqori vei koya na dau buli bilo" Onai sau sa vakarautaki vei au, Au sa qai taura na tolusagavulu na tiki ni siliva ka viritaka yani ki na loma ni vale ni Kalou me nona na dau buli bilo.

¹⁴Au sa musuka rua tale na karua ni titoko o Veivesuki, me'u voroka kina nai vau ni veitacini nei Juta kei Isireli.

¹⁵Sa tukuna mai vei au o Jiova, "Taura mada oqo vei iko, mo kila mada ke sa dua nai vakatawa lialia.

¹⁶"Io, Au na vakatura cake e dua nai vakatawa ena vanua, o koya era sega ni kauwaitaki ira sa yali, se, nodra maroroi, se na nodra vakani na kena vovo ni bula. Ia, era sa dau kania ga na lewedra, kania na kena uro, ka basubasuraka vakalalai na yavadra kei na ka kecega.

¹⁷"Dou na ca nai vakatawa sega yaga, ni dou sa dau biuti ira na qele ni sipi! Nai sele ena kania na matamu i matau kei na ligamu talega; na ligamu ena malai mai kei na matamu ena boko mai."