[38] Sakaraia 2

¹Au a rai cake ka raica, e dua na tamata sa taura tiko e dua na wa i vakarau e ligana.

²Au a taro yani, "O lako tiko ki vei?" Sa sauma mai ka vaka, "Me'u vakarautaki Jerusalemi, me'u raica ka kila na kena raraba kei na kena balavu."

³E dua na agilosi e a vosa vei au, sa lako yani; sa lako tale mai e dua me mai sotavi koya,

⁴Sa tukuna tale mai, "Vakatotolo, tukuna vua na cauravou, 'O Jerusalemi ena sega me vaka, e dua na koro sa sega na kena bai, baleta ni sa levu na tamata kei na manumanu.

⁵'Oi au,' sa tukuna o Jiova, 'Au na bai bukawaqa vakavolivoliti Jerusalemi, oi Au talega na kena i ukuuku ena kedra maliwa.'"

⁶"Tucake, tucake! Dou dro tani mai na vualiku," sa tukuna o Jiova; "Ni'u a cavuraki kemudou tani yani me vaka na mata ni cagi vava ni lomalagi," sa tukuna o Jiova.

⁷"Tucake, Saioni, dro tani, oi kemudou sa tiko vata kei ira na goneyalewa ni Papiloni."

⁸Sa tukuna o Jiova ni lewe vuqa, "Sa talai au mai o Koya ni oti na i ukuuku, ki vei ira na veimatanitu era a valalolomataki iko; o koya sa tarai iko, sa tara tiko na loa ni yaloka ni Matana.

⁹"E dina, Au na kuretaka na ligaqu vei ira. Era sai toki ni valu vei ira na nodra dauveiqaravi, dou na qai kila kina ni sa talai Au mai o Jiova ni lewe vuqa.

¹⁰"Dou sere ka reki oi kemudou na goneyalewa ni Saioni! Au sa lako tiko mai me'u mai tiko ena kemudou maliwa," sa tukuna o Jiova.

¹¹"E levu na veimatanitu era na gole ki vua, ena siga o ya, era na yaco me Noqu tamata. Au na tiko ena kedra maliwa. Dou na qai kila ena siga o ya, ni sa talai Au mai o Jiova ni lewe vuqa.

¹²"O Jiova, ena taukeni Juta me nona i votavota ena vanua tabu, ka na digitaki Jerusalemi talega.

¹³"Mo ni tiko lo na tamata talega e na mata i Jiova, sa vakayadrati o Koya mai na Nona i tikotiko tabu!"