Ա. ՄՆԱՑՈՐԴԱՑ 2

¹Իսրայէլի որդիները ասոնք են՝ Ռուբէն, Շմաւոն, Ղեւի, Յուդա, Իսաքար,

²Զաբուղոն, Դան, Յովսէփ, Բենիամին, Նեփթաղիմ, Գադ ու Ասեր։

³Յուդային որդիները՝ Էր, Օնան ու Սելօմ էին։ Այս երեքը Քանանացի Շաւային աղջիկէն ծնան անոր։ Յուդային անդրանիկը՝ Էր՝ Տէրոջը առջեւ չար ըլլալուն համար՝ Տէրը զանիկա մեռցուց։

⁴Անոր հարսը՝ Թամար՝ Փարէսն ու Զարան ծնաւ անոր։ Յուդա հինգ որդի ունեցաւ։

⁵Փարէսին որդիները՝ Եսրոն ու Համուլ էին։

⁶Եւ Զարայի որդիները՝ Զամբրի, Եթան, Եման, Քալքօլ ու Դարա, ամէնքը հինգ էին։

⁷Քարմիին որդին Աքարն էր, որ նզովուածքով մեղք գործեց ու Իսրայէլը նեղութեան մէջ ձգեց։

⁸Եթանին որդին Ազարիան էր։

⁹Եսրոնին որդիները, որոնք անոր ծնան, Յերամէլ, Արամ ու Քեղուբան էին։

¹⁰Արամ ծնաւ Ամինադաբը ու Ամինադաբ ծնաւ Յուդային որդիներուն իշխանը՝ Նաասոնը։

¹¹Նաասոն ծնաւ Սաղմոնը ու Սաղմոն ծնաւ Բոոսը

¹²Եւ Բոոս ծնաւ Ովբէդը ու Ովբէդ ծնաւ Յեսսէն։

¹³Եւ Յեսսէ ծնաւ իր անդրանիկը՝ Եղիաբը ու երկրորդը՝ Աբինադաբը ու երրորդը՝ Սամաան,

¹⁴Չորրորդը՝ Նաթանայէլը, հինգերորդը՝ Հռագային,

¹⁵Վեցերորդը՝ Ասոմը ու եօթներորդը՝ Դաւիթը։

¹⁶Անոնց քոյրերը Շարուհիա ու Աբիգիա էին։ Շարուհիային որդիները երեք էին՝ Աբեսսա, Յովաբ ու Ասայէլ։

¹⁷Աբիգիան ծնաւ Ամեսային, Ամեսայիին հայրը Իսմայելացի Յեթերն էր։

¹⁸Եսրոնին որդին Քաղէբ իր Ազուբա կնոջմէն ու Յերիօթէն որդիներ ծնաւ։ Ասոր որդիները ասոնք են՝ Յասեր, Սովբաբ ու Արդօն։

¹⁹Երբ Ազուբա մեռաւ, Քաղէբ իրեն կին առաւ Եփրաթը, որ անոր ծնաւ Ովրը։

²⁰Ովր ծնաւ Ուրին եւ Ուրին ծնաւ Բեսելիէլը։

²¹Անկէ ետքը Եսրոն Գաղաադի հօրը Մաքիրին աղջկան մտաւ ու զանիկա առաւ եւ ինք վաթսուն տարեկան էր։ Անիկա Սեգուբը ծնաւ անոր,

²²Սեգուբ ծնաւ Յայիրը ու ասիկա Գաղաադի երկրին մէջ քսանըերեք քաղաք ունէր։

²³Ու Գեսուրը եւ Արամը՝ ՝, Յայիրին գիւղաքաղաքները, Կանաթն ու անոր գիւղերը, վաթսուն քաղաք առաւ անոնցմէ։ Ասոնք Գաղաադի հօրը Մաքիրին որդիներունն էին։

²⁴Եսրոն Քաղէբ-Եփրաթայի մէջ մեռնելէն ետքը, Եսրոնին կինը Աբիա՝ ՝ անոր ծնաւ Թեկուէին հայրը՝ Ասքուրը։

²⁵Եսրոնին անդրանիկին՝ Յերամէլին որդիները ասոնք էին՝ անդրանիկը՝ Հռամ, Բունա, Օրէն, Ասոմ ու Աքիա։

²⁶Յերամէլ ուրիշ կին մը ունէր, որուն անունը Ատարա էր։ Անիկա Օնամին մայրը եղաւ։

²⁷Յերամէլին անդրանիկին՝ Հռամին որդիները ասոնք էին՝ Մաաս, Յամին ու Ակոր։

²⁸Անամին որդիները Սամայի ու Յադա էին։ Սամայիին որդիները՝ Նադաբ ու Աբիսուրն էին։

²⁹Աբիսուրին կնոջ անունը Աբիհայիլ էր, որ անոր ծնաւ Աքբանն ու Մովղիդը։

³⁰Եւ Նադաբին որդիները Սաղադ ու Ափփեմ էին ու Սաղադ անորդի մեռաւ։

³¹Ափփեմին որդին՝ Յեսսի ու Յեսսիին որդին՝ Սեսան ու Սեսանին որդին՝ Աղայի էր։

³²Սամայիին եղբօրը Յադային որդիները՝ Յեթեր ու Յովնաթան էին։ Յեթեր անորդի մեռաւ։

³³Յովնաթանին որդիները Փաղէթ ու Զազան էին։ Յերամէլին որդիները ասոնք էին։

³⁴Սեսան տղաքներ չունեցաւ, բայց միայն աղջիկներ։ Սեսան Յարքա անունով Եգիպտացի ծառայ մը ունէր։

³⁵Սեսան իր աղջիկը իր Յարքա ծառային կնութեան տուաւ, որ անոր Եթթին ծնաւ։

³⁶Եթթին ծնաւ Նաթանը եւ Նաթանը ծնաւ Զաբաթը

³⁷Ու Զաբաթը ծնաւ Ոփղաղը եւ Ոփղաղը ծնաւ Ովբէդը

³⁸Ու Ովբէդը ծնաւ Յէուն եւ Յէուն ծնաւ Ազարիան

³⁹Ու Ազարիան ծնաւ Քեղղէսը եւ Քեղղէսը ծնաւ Եղեասան,

⁴⁰Եղեասան ծնաւ Սոսոմէն եւ Սոսոմէն ծնաւ Սեղղումը

⁴¹Ու Սեղղումը ծնաւ Յեկամիան եւ Յեկամիան ծնաւ Եղիսաման։

⁴²Յերամէլին եղբօրը՝ Քաղէբին որդիները. անոր անդրանիկը՝ Մեսան՝ Զիբին հայրն էր ու Քեբրոնին հայրը Մարեսային որդին էր։

⁴³Քեբրոնին որդիները՝ Կորխ ու Թափուա եւ Րոկոմ ու Սեման էին։

⁴⁴Սեման ծնաւ Հռաամը՝ Յարկաամին հայրը ու Ռոկոմը ծնաւ Սամային։

⁴⁵Սամայիին որդին՝ Մաոն էր ու Մաոն Բեթսուրին հայրն էր։

⁴⁶Քաղէբին հարճը Գեփան ծնաւ Առանը, Մոսան ու Գազէզը եւ Առան ծնաւ Գազէզը։

⁴⁷Յադայիին որդիները Հռագեմ, Յովաթամ, Գեսան, Փաղէտ, Գեփա ու Սագափն էին։

⁴⁸Քաղէբին հարճը Մաաքան ծնաւ Սեբերը ու Թարանան,

⁴⁹Նաեւ ծնաւ Մաթմաննային հայրը՝ Սագափը ու Մաքաբենայի հայրը ու Գաբաային հայրը Շաւանը եւ Քաղէբին աղջիկը Աքսան էր։

⁵⁰Եփրաթին անդրանիկին՝ Ովրին որդիին Քաղէբին որդիները ասոնք էին՝ Կարիաթարիմին հայրը Սոբաղը,

⁵¹Բեթլէհէմին հայրը Սաղմոնը, Բեթգադերին հայրը Հարեփը։

⁵²Կարիաթարիմին հօրը Սոբաղին որդիները՝ Հարօէ ու Մանաքաթացիներուն կէսն էին։

⁵³Եւ Կարիաթարիմի տոհմերը՝ Յեթերացիները, Փութացիները, Սամաթացիներն ու Մասարացիներն էին. Սարաացիներն ու Եսթաւուղացիները ասոնցմէ ելաւ։

⁵⁴Սաղմոնին որդիները՝ Բեթլէհէմ, Նետոբաթացիները, Ատարովթ, Յովաբին տունը ու Մանաքաթացիներուն կէսը ու Սարացիներն էին։

⁵⁵Եւ Գաբէսին մէջ բնակող դպիրներուն տոհմերը Թարգաթացիները, Սամաթացիները, Սովկաթացիները. ասոնք Ռեքաբին տանը հօրմէն Եմաթէն ելլող Կենեցիներն էին։