Ա. ՄՆԱՑՈՐԴԱՑ 7

¹Իսաքարին որդիները՝ Թովղա ու Փուա եւ Յասուբ ու Սամրօն՝ չորս էին։

²Թովղային որդիները՝ Ոզի ու Հռափայիա եւ Յերիէլ ու Յեմայի եւ Յեբսամ ու Սամուէլ, իրենց հօրը Թովղայի տանը իշխանները ու իրենց ազգին մէջ զօրաւոր կտրիճներ էին։ Դաւիթին օրերը անոնց թիւը քսանըերկու հազար վեց հարիւր էր։

³Ոզիին որդիները՝ Յեզերիա ու Յեզերիային որդիները՝ Միքայէլ եւ Աբդիա ու Յովէլ ու Յեսիա՝ հինգ էին։ Ամէնքն ալ իշխաններ էին

⁴Ու անոնց հետ անոնց ցեղին ու ազգատոհմին մէջ պատերազմի շարուող երեսունըվեց հազար զօրք կար, քանզի անոնց կիներն ու որդիները շատուոր էին։

⁵Անոնց եղբայրները Իսաքարի բոլոր տոհմերուն մէջ զօրաւոր կտրիճներ ըլլալով՝ իրենց ազգահամարին համեմատ ամէնքը ութսունըեօթը հազար էին։

⁶Բենիամինին որդիները՝ Բաղա, Բոքոր ու Յեդիէլ, երեք էին։

⁷Բաղային որդիները՝ Եսբօն, Ոզի, Ոզիէլ, Յերիմովթ ու Իրի՝ իրենց ազգատոհմին իշխաններն ու զօրաւոր կտրիճները, հինգ էին։ Անոնց ազգահամարին մէջ գրուածները քսանըերկու հազար երեսունըչորս հոգի էին։

⁸Բոքորին որդիները՝ Զամիրա, Յովաս, Եղիազար, Եղիովէնայի, Ամրի, Յերիմովթ, Աբիա, Անաթովթն ու Գազեմէթն էին։

⁹Ասոնք ամէնքը Բոքորի որդիներն էին։ Անոնց ազգահամարին մէջ իրենց ազգատոհմերուն իշխաններն ու զօրաւոր կտրիճները քսան հազար երկու հարիւր հոգի էին։

¹⁰Յեդիէլին որդին՝ Բաղղան ու Բաղղանին որդիները՝ Յեուս, Բենիամին, Աւովդ, Քանանա, Զեթան, Թարսիս ու Աքիսաարն էին։

¹¹Ասոնք ամէնքը Յեդիէլին որդիները, իրենց տոհմերուն իշխաններն ու զօրաւոր կտրիճները տասնըեօթը հազար երկու հարիւր պատերազմի ելլող մարդիկ էին։

¹²Եւ Սուփիմ ու Ոփիմ Իրիին որդիներն էին, Հուսիմ ալ Աքերի որդին էր։

¹³Նեփթաղիմին որդիները՝ Յասիէլ, Գունի, Յասեր ու Սեղղում՝ Բաղղայի սերունդէն էին։

¹⁴Մանասէին որդիները՝ Ասրիէլ, որ իր կինը ծնաւ ու անոր Ասորի հարճը՝ Գաղաադի հայրը Մաքիրը ծնաւ։

¹⁵Մաքիր իրեն կին առաւ Ոփիմին ու Սուփիմին քոյրը, որուն անունը Մաաքա էր ու երկրորդին անունը Սալպաադ էր։ Սալպաադի աղջիկներ ծնան։

¹⁶Մաքիրի կինը Մաաքա որդի մը ծնաւ, անոր անունը Փարէս կոչեց ու անոր եղբօրը անունը Սարէս էր։ Անոր որդիները՝ Ուղամ ու Րոկոմ էին։

¹⁷Ուղամին որդին Բեդան էր։ Մանասէին որդիին Մաքիրին որդիին Գաղաադին որդիները ասոնք էին։

¹⁸Անոր քոյրը Մաղեքէթ ծնաւ Եսուդը, Աբիեզերը, Մաալան։

¹⁹Յեմիդային որդիները՝ Աքիան, Սիւքէմ, Ղակէի ու Անիամ էին։

²⁰Եփրեմին որդիները՝ Սուտաղա, (եւ անոր որդին Բարադ ու անոր որդին Եղիադա եւ անոր որդին Թաաթ,

²¹Ու անոր որդին Զաբադ եւ անոր որդին Սուտաղա,) նաեւ Եզեր ու Եղիադ էին։ Զանոնք այն երկրին մէջ ծնած Գեթացիները մեռցուցին, քանզի անոնց անասունները առնելու իջան։

²²Անոնց հայրը Եփրեմ շատ օրեր սուգ բռնեց ու անոր եղբայրները զանիկա մխիթարելու գացին։

²³Անիկա իր կնոջ մտաւ ու անիկա յղանալով որդի մը ծնաւ եւ անոր անունը Բարիա կոչեց, վասն զի իր տանը վրայ չարիք եկած էր։

²⁴Անոր աղջիկը Սէէրան էր։ Ասիկա վարի ու վերի Բեթորոնը ու Ոզան-Սէէրան շինեց։

²⁵Անոր որդին Հռափէ ու Հռասէփ ու անոր որդին Թաղէ եւ անոր որդին Թաան,

²⁶Անոր որդին Ղաադան, անոր որդին Ամիուդ, անոր որդին Եղիսամա,

²⁷Անոր որդին Նաւէ ու անոր որդին Յեսու էր։

²⁸Անոնց կալուածներն ու բնակութիւնները ասոնք էին՝ Բեթէլ ու անոր գիւղերը ու արեւելեան կողմէն Նաարան եւ արեւմտեան կողմէն Գազեր ու անոր գիւղերը եւ Սիւքէմ ու անոր գիւղերը, մինչեւ Գազա ու անոր գիւղերը։

²⁹Եւ Մանասէին որդիներուն սահմաններուն քով Բեթսան ու անոր գիւղերը, Թանաք ու անոր գիւղերը, Մակեդդով ու անոր գիւղերը, Դովր ու անոր գիւղերը. Իսրայէլի որդիին Յովսէփին որդիները ասոնց մէջ կը բնակէին։

³⁰Ասերին որդիները՝ Յեմնա, Յեսուա, Յեսուի ու Բարիա եւ անոնց քոյրը Սարա էր։

³¹Բարիայի որդիները Քաբեր ու Մեղեքիէլ էին։ Ասիկա Բարսայիթին հայրն էր։

³²Քաբեր ծնաւ Յափաղէթը, Սովմերը եւ Քովթամը ու անոնց քոյրը Սովղան։

³³Յափաղէթին որդիները՝ Փասաք, Բամայէլ ու Ասուաթ էին. Յափաղէթին որդիները ասոնք էին։

³⁴Սովմերի որդիները՝ Աքի, Հռաոգա, Ոբա ու Արամ էին։

³⁵Անոր եղբօրը Հելեմի որդիները՝ Սովփա, Յամանա, Սելէս եւ Ամաղն էին։

³⁶Սովփայի որդիները՝ Սուա, Առնափար, Սուաղ, Բարի, Յեմրա, Բասար,

³⁷Ովդ, Սամմա, Սաղիսա, Յեթրան եւ Բէերա։

³⁸Յեթերի որդիները՝ Յեփոնէ, Փասփա եւ Արա էին։

³⁹Ովղայի որդիները՝ Արահ, Անիէլ ու Հռասիան էին։

⁴⁰Ասոնք ամէնքը Ասերի որդիներն էին ու իրենց ազգատոհմերուն իշխաններն էին, ընտիր ու զօրաւոր կտրիճներ եւ գլխաւոր իշխաններ էին։ Անոնց ազգահամարին մէջ պատերազմական զօրքերուն թիւը քսանըվեց հազար մարդ էր։