ՆԷԵՄԵԱՅ 10

¹Կնքողները ասոնք էին՝ Աքազիայի որդին Նէեմիա Աթարսաթանը, Սեդեկիան, Սարայիան,

²Ազարիան, Երեմիան,

³Փասուրը, Ամարիան, Մեղքիան,

⁴Քետտուսը, Սաբանիան, Մալուքը,

⁵Հարիմը, Մերամօթը, Աբդիան,

⁶Դանիէլը, Կանաթոնը, Բարուքը,

⁷Մեսուղամը, Աբիան, Միամին,

⁸Մաազիան, Բեղգան ու Սեմայիան, ասոնք քահանաներն էին։

⁹Ու Ղեւտացիները, Ազանիային որդին Յեսուն, Բանուին ու Ենադադին որդիներէն Կադմիէլը,

¹⁰Եւ անոնց եղբայրները՝ Սաբանիան, Ովդիան, Կովղիտան, Փաղայիան,

¹¹Անանը, Միքան, Րոոբը, Ասաբիան,

¹²Զաքուրը, Սարաբիան, Սաբանիան,

¹³Ովդիան, Բանին ու Բանինուն։

¹⁴Ժողովուրդին իշխանները, Փարոսը, Փաաթ-Մովաբը, Եղամը,

¹⁵Զաթուն, Բանին, Բունին, Ազգադը,

¹⁶Բեբային, Ադոնիան, Բագուէն, Ադինը,

¹⁷Ատերը, Եզեկիան, Ազուրը,

¹⁸Ովդիան, Հասումը, Բեսէին,

¹⁹Արիփը, Անաթովթը, Նովբայը,

²⁰Մագփիասը, Մեսուղամը, Եզիրը,

²¹Մասիզեբէլը, Սադովկը, Յադդուան,

²²Փաղատիան, Անանը, Անանիան,

²³Ովսէէն, Անանիան, Ասուբը,

²⁴Ալօէսը, Պիլան, Սօբէկը,

²⁵Հռէումը, Ասաբանան, Մաասիան,

²⁶Աքիան, Անանը, Օնանը,

²⁷Մալուքը, Հարիմը ու Բաանան։

²⁸Մնացած ժողովուրդը, քահանաները, Ղեւտացիները, դռնապանները, երգողները, Նաթանայիմներն ու երկիրներու ժողովուրդներէն Աստուծոյ օրէնքին հետեւելու համար բոլոր զատուողները, իրենց կիները, տղաքներն ու աղջիկները, այսինքն ամէն անոնք, որոնք կրնային հասկնալ,

²⁹Իրենց երեւելի եղբայրներուն հետ միաբանեցան ու անէծքով երդում ըրին, որ Աստուծոյ ծառային Մովսէսին միջոցով տրուած Աստուծոյ օրէնքին մէջ քալեն ու մեր Եհովա Տէրոջը բոլոր պատուիրանքներն ու օրէնքները եւ կանոնները պահեն ու կատարեն։

³⁰Եւ խօսք տուինք, որ մեր աղջիկները երկրին ժողովուրդներուն չտանք եւ անոնց աղջիկները մեր տղոցը չառնենք։

³¹Ու երկրին ժողովուրդներուն շաբաթ օրը ծախելու համար բերած ապրանքները եւ ամէն տեսակ ուտելիքը՝ շաբաթ օրը կամ սուրբ օրերը՝ անոնցմէ չառնենք ու եօթներորդ տարին բոլոր պարտքերն ու պահանջները ներենք։

³²Ու մեզի կանոն դրինք, որ մեր Աստուծոյն տանը ծառայութեանը համար ամէն տարի սիկղին մէկ երրորդ մասը տանք

³³Առաջաւորութեան հացին, մշտնջենաւոր հացի ընծային, մշտնջենաւոր ողջակէզին, շաբաթներուն, ամսագլուխներուն, տօներուն, սուրբ բաներուն ու Իսրայէլի քաւութիւն ըլլալու համար մեղքի պատարագներուն համար ու մեր Աստուծոյն տանը ամէն գործի համար

³⁴(Եւ փայտի ընծային համար՝ քահանաներուն, Ղեւտացիներուն ու ժողովուրդին վիճակ ձգեցինք, որ զանիկա մեր Տէր Աստուծոյն սեղանին վրայ վառելու համար, տարուէ տարի՝ որոշուած ատենները ազգատոհմերուն համաձայն մեր Աստուծոյն տունը բերենք, ինչպէս օրէնքին մէջ գրուած է)

³⁵Ու մեր երկրին առաջին պտուղները եւ ամէն ծառի առաջին պտուղները տարուէ տարի Տէրոջը տունը տանինք։

³⁶Մեր որդիներուն ու մեր անասուններուն անդրանիկները՝ ինչպէս օրէնքին մէջ գրուած է ու մեր արջառներուն ու ոչխարներուն անդրանիկները մեր Աստուծոյն տունը տանինք՝ մեր Աստուծոյն տանը մէջ պաշտօն ունեցող քահանաներուն

³⁷Ու մեր խմորներուն երախայրիները եւ մեր ընծաները, այսինքն ամէն ծառի պտուղ, գինի ու իւղ տանինք քահանաներուն եւ մեր Աստուծոյն տանը սենեակներուն, որ երկրին արտադրութիւններուն տասանորդը Ղեւտացիներուն տանք ու Ղեւտացիները մեր բոլոր երկրագործութեան քաղաքներէն տասանորդներ առնեն։

³⁸Ու Ահարոնին որդին՝ քահանան՝ Ղեւտացիներուն տասանորդին մասնակից ըլլայ ու Ղեւտացիները տասանորդին տասանորդը մեր Աստուծոյն տունը՝ գանձատանը սենեակները՝ տանին.

³⁹Վասն զի Իսրայէլի որդիներն ու Ղեւիի որդիները ցորենին ու գինիին ու իւղին ընծան այն սենեակները պիտի տանին, ուր սրբարանին անօթներն ու պաշտօն ունեցող քահանաներն ու դռնապանները ու երգողները կը կենան. ատով մեր Աստուծոյն տանը վրայով անհոգ պիտի չըլլանք։