Abù Ọma 29

¹Nyenu Jehova, unu umu Chineke, Nyenu Jehova nsọpuru na ike.

²Nyenu Jehova nsọpuru aha-Ya; Kpọnu isi ala nye Jehova n'ima-nma nke idi-nsọ.

³Olu Jehova di n'elu miri: Chineke nke ebube nāma éb͕è-elu-igwe, Jehova nọ n'elu ọtutu miri.

⁴Olu Jehova nāda n'ike; Olu Jehova nāda n'ima-nma.

⁵Olu Jehova nētiwa osisi cedar; Jehova we tiwasia osisi cedar nke Lebanon.

⁶Ọ nēme ka ha nāwuli elu dika nwa-ehi; Bú Lebanon na Siron, dika nwa-atu.

⁷Olu Jehova nāwaputa ire ọku.

⁸Olu Jehova nēme ka ọzara me nkpatu; Jehova nēme ka ọzara Kedesh me nkpatu.

⁹Olu Jehova nēme ka ime nēme nne-ele, Ọ nāb͕uchapu kwa akwukwọ osisi oké ọhia: Ọzọ n'ulo uku Ya ihe hile nāsi, Ebube.

¹⁰Jehova nọduru n'oche-eze n'Iju-miri ahu; Jehova we nọdu dika eze rue mb͕e ebighi-ebi.

¹¹Jehova gēnye ndi-Ya ike; Jehova gēji udo gọzie ndi-Ya.