Sálmarnir 140

¹Frelsa mig, Drottinn, frá illmennum, vernda mig fyrir ofríkismönnum,

²(140:3) þeim er hyggja á illt í hjarta sínu og vekja ófrið á degi hverjum.

³(140:4) Þeir gjöra tungur sínar hvassar sem höggormar, nöðrueitur er undir vörum þeirra. [Sela]

⁴(140:5) Varðveit mig, Drottinn, fyrir hendi óguðlegra, vernda mig fyrir ofríkismönnum, er hyggja á að bregða fæti fyrir mig.

⁵(140:6) Ofstopamenn hafa lagt gildrur í leyni fyrir mig og þanið út snörur eins og net, hjá vegarbrúninni hafa þeir lagt möskva fyrir mig. [Sela]

⁶(140:7) Ég sagði við Drottin: Þú ert Guð minn, ljá eyra, Drottinn, grátbeiðni minni.

⁷(140:8) Drottinn Guð, mín máttuga hjálp, þú hlífir höfði mínu á orustudeginum.

⁸(140:9) Uppfyll eigi, Drottinn, óskir hins óguðlega, lát vélar hans eigi heppnast. [Sela]

⁹(140:10) Þeir skulu eigi hefja höfuðið umhverfis mig, ranglæti vara þeirra skal hylja sjálfa þá.

¹⁰(140:11) Lát rigna á þá eldsglóðum, hrind þeim í gryfjur, svo að þeir fái eigi upp staðið.

¹¹(140:12) Illmáll maður skal eigi fá staðist í landinu, ofríkismanninn skal ógæfan elta með sífelldum höggum.

¹²(140:13) Ég veit, að Drottinn flytur mál hrjáðra, rekur réttar snauðra.

¹³(140:14) Vissulega skulu hinir réttlátu lofa nafn þitt, hinir hreinskilnu búa fyrir augliti þínu.