Sálmarnir 70

¹Guð, lát þér þóknast að frelsa mig, Drottinn, skunda mér til hjálpar.

²(70:3) Lát þá verða til skammar og hljóta kinnroða, er sitja um líf mitt, lát þá hverfa aftur með skömm, er óska mér ógæfu.

³(70:4) Lát þá hörfa undan sakir smánar sinnar, er hrópa háð og spé.

⁴(70:5) En allir þeir er leita þín, skulu gleðjast og fagna yfir þér, þeir er unna hjálpræði þínu, skulu sífellt segja: "Vegsamaður sé Guð!"

⁵(70:6) Ég er þjáður og snauður, hraða þér til mín, ó Guð. Þú ert fulltingi mitt og frelsari, dvel eigi, Drottinn!