Забур жырлары 122

¹«Барайық киелі үйіне Жаратқанның!» Дегенді естіп қатты қуандым. Уа, Иерусалим, аяғымыз біздің Қақпаларыңның алдында тұр сенің.

²Қабырғалары кірігіп бір тұтасқан Қала болып Иерусалим салынған.

³Осында өрлеп келіп тұрады Жаратқанға сиынатын рулары, Исраилге Ол мынаны заң етіп тапсырды: Жаратқан Иенің есімін мұнда даңқтауды.

⁴Қалада тұр билердің орындықтары, Дәуіттің әулетінің патшалық тақтары.

⁵Амандық тілеңдер Иерусалим үшін: «Қаланы сүйетіндер өркендесін,

⁶Қамалыңның ішінде амандық болсын, Сарайларыңда тыныштық орнасын!»

⁷Тума-туыс, дос-жарандарым үшін Қалаға аман-есендік тілеймін.

⁸Құдай Иеміздің киелі үйі үшін Иерусалимге зор игілік тілеймін.