Забур жырлары 3

¹Уа, Ием, жауларым сонша көбейді, Көп адам маған қарсы көтерілді.

²Жұрт: «Құдай құтқармайды сол кісіні» Деп қатты күйзелтеді жан дүниемді.

³Ал, Ием, алдымдағы қалқаным Сенсің, Даңққа бөлеп, беделімді көтересің.

⁴Жаратқанға дауыстап жалынам, Ол жауап береді киелі тауынан.

⁵Орныма жатып, ұйықтаймын бейқам, Содан оянып, тұрамын қайтадан, Себебі мені қорғайды Жаратқан.

⁶Мен қорықпаймын өзіме жан-жақтан Қарсы шыққан мыңдаған жауларымнан.

⁷Уа, Ием, көтеріліп қарсы тұрсаңшы, О, Құдайым, мені құтқарсаңшы! Сен жағынан ұрып күллі жауларымды, Күшінен айырасың сол зұлымдарды.

⁸Уа, Жаратқан, Құтқарушымыз Сенсің, Батаңды төге гөр халқыңа Өзіңнің.