Таңдауы ән 1

¹Сүлейменнің таңдаулы әні.

²Иісмайыңның жұпары аңқып кетті, Атың шашылған иіссудай әйгілі, Сондықтан да қыздар өзіңе тәнті.

³Ала кетші мені өзіңмен бірге, Жылдам жүгірейік екеуіміз, кәне! Патшам мені кіргізді өз бөлмелеріне. (Қалыңдықтың құрбылары:) Саған шаттанып өзіңді жырлаймыз, Махаббатыңды шараптан көп мақтаймыз. (Қалыңдық:) Өзіңді ұнатқандарына осылардың, Уа, жаным, сен әбден лайықтысың!

⁴Өңім қара торы, әйтсе де сұлумын, Уа, қыздары Иерусалим қаласының. Қидардағы шатырлардай қара торымын, Сүлейменнің қара перделеріне ұқсаймын.

⁵Қарамаңдаршы маған тесірейе, Бетімді күйдірді күн сәулелері. Ағаларым маған ашуланған еді, Баққызып қойды содан жүзімдіктерді, Сөйтіп күте алмадым өз жүзімдігімді.

⁶Айтшы маған, уа, сүйіктім, қай жерде Бағып жүресің сенің отарыңды? Әрі сен қайда барып, түскі кезде Тынықтырып аласың қойларыңды? Мен несіне қаңғырамын бет-перде Жамылған жүгенсіздей, достарыңның Отарлары арасынан сені іздеуге? (Құрбылары:)

⁷Ең сұлу ару, сен мұны білмеймісің? Ұсақ малдың соқпақтарымен жүр сонда, Жайып бақ лақтарыңды өзіңнің Шопан қостарының маңдарында.

⁸Жаным, сені ұқсатам сайгүлікке Жегілген перғауынның күймесіне.

⁹Екі бетің көрікті сырғаларыңмен, Мойның да әп-әдемі алқаларыңмен!

¹⁰Өзіңе арнап күміспен көмкерілген Алтын сырғалар соқтырып беремін мен.

¹¹Патшам дастарқан басына жайғасты, Иісмайымның жұпары сол тұста жайылды.

¹²Сүйіктім хош иісті мүр шайырындай, Кеудемде аңқып тұрған қалташықтай,

¹³Ен-Геди жүзімдігінің қынагүл шоғындай.

¹⁴Уа, жаным, керемет қой сұлулығың, Көгершіндей қос жанарың, сондай сұлусың! (Қалыңдық:)

¹⁵Қандай көріктісің, сүйгенім, сүйкімдісің! Көк шалғын болады төсегіміз біздің. (Күйеу жігіт:)

¹⁶Самырсын бұтақтары шаңырағымыздай, Жұпар шыршалар уықтарымыздай.