Zabbuli 113

¹Mumutendereze Mukama. Mutendereze, mmwe abaddu ba Mukama, Mutendereze erinnya lya Mukama.

²Erinnya lya Mukama lyebazibwenga Okuva leero okutuusa emirembe gyonna.

³Okuva mu buvanjuba okutuuka mu bugwanjuba Erinnya lya Mukama ligwana okutenderezebwanga.

⁴Mukama ali waggulu okusinga amawanga gonna, N'ekitiibwa kye okusinga eggulu.

⁵Ani afaanana nga Mukama Katonda waffe, Alina entebe ye waggulu.

⁶Eyeetoowaza okutunuulira Ebiri mu ggulu ne mu nsi?

⁷Ayimusa omwavu mu nfuufu, Agolokosa omunafu mu lubungo;

⁸Amutuuze wamu n'abalangira, Wamu n'abalangira ab'abantu be.

⁹Atuuza mu nju omukazi omugumba, N'amusanyusa ng'amuzaazizza abaana. Mumutendereze Mukama.