Еврей 3

¹Тиймд тэнгэрлэг дуудлагыг хуваалцагч ариун ах дүү нар аа, бидний хүлээн зөвшөөрдөг Элч ба Тэргүүн Тахилч болох Есүсийг бодогтун.

²Түүний [бүх] гэрт Мосе итгэмжит байсны адил Тэр Өөрийг нь Томилсон Нэгэнд итгэмжит байсан юм.

³Учир нь барилгачин барилгаасаа илүү хүндэтгэл хүлээдгийн адил Мосегээс илүү их алдрыг Тэр хүртэх зохистой хэмээн тооцогдсон юм.

⁴Учир нь аливаа барилга хэн нэгнээр баригддаг. Харин бүх юмсын барилгачин бол Бурхан мөн.

⁵Учир нь хожим яригдах байсан тэдгээр зүйлсийн гэрчлэлийн төлөө Мосе үйлчлэгч болохынхоо хувьд Түүний бүх гэрт итгэмжит байсан.

⁶Харин Христ Хүү нь болохын хувьд Түүний гэрт итгэмжит байсан юм. Хэрэв бид өөрсдийнхөө зориг болон найдварын сайрхлыг эцэс хүртэл бат сахивал бид Түүний гэр мөн байна.

⁷Тиймээс Ариун Сүнс“Хэрэв өнөөдөр та нар Түүний дууг сонсох аваас,

⁸Цөл дэх сорилтын өдөр уурлуулсны адилТа нар зүрхээ бүү хатуу болго.

⁹Тэнд та нарын эцгүүд сорилтоор Намайг сорьж,Дөчин жилийн турш Миний үйлсийг харсан.

¹⁰Тиймд Би энэ үеийнхэнд уурлаж,«Тэд зүрхэндээ үргэлж төөрөлддөг.Тэд Миний замыг мэдсэнгүй» гэж айлдав.

¹¹«Тэд Миний амралтад орохгүй» гэж Би хилэгнэн андгайлав”гэжээ.

¹²Ах дүү нар аа, та нарын дотроос хэн нэг нь бузар, итгэлгүй зүрхтэй байж, амьд Бурханаас салах вий гэдгээс болгоомжлогтун.

¹³Харин “Өнөөдөр” гэгдэж л байгаа бол бие биеэ өдөр бүр зоригжуулагтун. Эс бөгөөс та нараас хэн нэгэн чинь нүглийн мэхлэлээр хатуурах вий.

¹⁴Учир нь хэрэв бид бат итгэлийнхээ эхлэлийг эцэс хүртэл бат сахивал Христийн хуваалцагчид болсон байна.

¹⁵Энэ нь“Хэрэв өнөөдөр та нар Түүний дууг сонсох аваас,Түүнийг уурлуулсны адил та нар зүрхээ бүү хатуу болго”гэсэнчлэн юм.

¹⁶Учир нь сонссон атал Түүнийг уурлуулсан нь хэн билээ? Үнэндээ Мосегээр хөтлүүлэн Египетээс гарсан тэд бүгдээрээ биш гэж үү?

¹⁷Тэр дөчин жилийн турш хэнд уурласан бэ? Нүгэл үйлдэж, цөлд унасан тэдгээр хүмүүст уурласан биш үү?

¹⁸Өөрийнхөө амралт уруу оруулахгүй гэж Тэр хэнд андгайлсан бэ? Дуулгаваргүй байсан тэдэнд биш үү?

¹⁹Итгэлгүй учир тэд орж чадаагүйг бид мэднэ.