Иеремиа 6

¹Бениамины хөвгүүд ээ,аюулгүй байхын тулд Иерусалимын дундаас зугт.Текоад бүрээ үлээж,Бет-хакеремын дээгүүр дохио өргө.Учир нь бузар муу зүйл болон агуу сүйрэл хойд зүгээс харагдаж байна.

²Дур булаам, хөөрхөн нэгэн болох Сионы охиныг Би устгах болно.

³Хоньчид болон хонин сүргүүд нь түүн уруу ирж,түүний эргэн тойронд майхнууд босгож,өөр өөрсдийн газарт бэлчээрлүүлнэ.

⁴Түүний эсрэг дайнд бэлтгэ.Босоцгоо, жин үдэд довтолцгооё.Өдөр дуусаж, үдшийн сүүдэр уртсаж байгаа тул бид гаслантай яа!

⁵Босоцгоо, шөнөөр довтолж, түүний ордонг сүйтгэцгээе!

⁶Учир нь түмэн цэргийн ЭЗЭН ингэж айлдаж байна.“Түүний моддыг огтолж, Иерусалимыг бүсэл.Дунд нь зөвхөн дарлал байдаг энэ хот шийтгэгдэх ёстой юм.

⁷Худаг усаа цэвэр байлгадгийн адил тэрээр өөрийн хорон муу явдлаа шинэхэн байлгадаг.Хүчирхийлэл болон сүйрэл түүний дотор сонсогддог.Өвчин болон шархнууд Миний өмнө ч байна.

⁸Иерусалим аа, сэрэмжтэй бай,эс тэгвэл Би чамаас хөндийрөн,чамайг оршин суугчгүй, зэлүүд нутаг болгоно”.

⁹Түмэн цэргийн ЭЗЭН ингэж айлдаж байна.“Тэд Израилийн үлдэгсдийг усан үзмийн модыг мэт гүйцэд түүх болно.Усан үзэм түүгч мэт гараа мөчрүүдийн дээр дахин тавь”.

¹⁰Сонсгохын тулд би хэнд хэлж, сануулга өгөх юм бэ?Үзэгтүн, тэдний чих таглагдсан бөгөөд тэд сонсож чадахгүй.Үзэгтүн, ЭЗЭНий үг тэдэнд зэмлэл болов.Тэд түүнийг таашаасангүй.

¹¹Харин би ЭЗЭНий уур хилэнгээр дүүрч,үүнийгээ барьсаар сульдаж байна.“Гудамжин дахь хүүхдүүд дээр болон залуучуудын цугларалт дээр асга.Учир нь настай болон хөгшин эхнэр нөхөр хоёулаа авагдах болно.

¹²Тэдний гэрүүд, мөн талбайнууд болон эхнэрүүд нь хамтдаа бусдад очно.Учир нь Би энэ газрын оршин суугчдын эсрэг мутраа сунгана” гэж ЭЗЭН тунхаглаж байна.

¹³“Учир нь тэд багаасаа том хүртэл бүгд ашиг олох гэж шунадаг бөгөөдэш үзүүлэгчээсээ тахилч хүртэл хүн бүр хуурамч байна.

¹⁴Тэд “Амар амгалан, амар амгалан” гэж хэлэнМиний ард түмний хугарлыг хуурамчаар эдгээв.Гэвч амар амгалан нь үгүй.

¹⁵Тэд өөрсдийн үйлдсэн жигшүүрээсээ болж ичсэн үү?Тэд харин ч огт ичсэнгүй.Тэд яаж улайхыг ч хүртэл мэдэхгүй байв.Тиймээс тэд унагсдын дунд унана.Би тэднийг шийтгэх үед тэд хаягдах болно” гэж ЭЗЭН айлдаж байна.

¹⁶ЭЗЭН ингэж айлдаж байна.“Замууд дээр зогсож, хар.Сайн замтай эртний жимийг асууж, түүгээр алх.Та нар сэтгэлдээ зориулан амралтыг олох болно.Харин тэд «Бид алхахгүй» гэсэн юм.

¹⁷Би та нарын дээр харуул тавьж, “Бүрээн дууг сонс” гэв.Гэвч тэд “Бид сонсохгүй” гэсэн юм.

¹⁸Тиймээс сонсогтун, үндэстнүүд ээ.Чуулган аа, тэдний дунд юу байгааг мэдэгтүн.

¹⁹Газар дэлхий, сонсогтун.Үзэгтүн, Би энэ хүмүүс дээр гай гамшгийг буюу төлөвлөгөөнийх нь үр дүнг авчирч байна.Учир нь тэд Миний үгсийг сонсоогүй бөгөөдМиний хуулийг ч бас эсэргүүцсэн билээ.

²⁰Над уруу Шебагаас гүгэл,алс холын нутгаас чихэрлэг нишингэ ямар зорилгоор ирдэг вэ?Чиний шатаалт тахилууд зохисгүй бөгөөдчиний өргөлүүд Надад тааламжтай биш байна.

²¹Тиймээс ЭЗЭН ингэж айлдаж байна.“Үзэгтүн, Би эдгээр хүмүүсийн өмнө бүдрүүлэх чулуу тавьж байна.Тэгээд тэд буюу эцгүүд хүүхдүүдтэй хамтдаа түүнд бүдэрнэ.Хөршүүд болон найзууд сүйрнэ”.

²²ЭЗЭН ингэж айлдаж байна.“Үзэгтүн, хойд зүгийн нутгаас хүмүүс ирж байгаа бөгөөднэгэн агуу том үндэстэн газар дэлхийн алс хэсгүүдээс босож ирэх болно.

²³Тэд нум, жад агсах агаадхэрцгий, өршөөлгүй.Тэдний дуу хоолой тэнгис мэт хүнгэнэдэг.Сионы охин оо, чиний эсрэг дайтахаар жагссан эр мэт тэд морьдоо унадаг.

²⁴Бид энэ тухай мэдээг сонссон билээ.Бидний гар сул дорой байна.Бид зовлонд буюу хүүхэд төрүүлж буй эмэгтэйнх шиг өвчинд нэрвэгджээ.

²⁵Хээр тал уруу бүү гар, замаар бүү яв.Учир нь дайсанд илд байгаа бөгөөдтал бүрд айдас байна.

²⁶Миний ард түмний охин оо, таар өмсөж, үнсэн дотор өнхөр.Ганц хүүгийнхээ төлөө мэт хамгийн гашуунаар гашууд.Учир нь сүйтгэгч бидэн дээр гэнэт ирнэ.

²⁷Би чамайг Өөрийн ард түмний дунд шинжлэгч болон хянагч болгосон ньчи тэдний замыг мэдэж шинжихийн тулд юм”.

²⁸Тэд бүгд хов зөөгч мэт байцгаадаг гөжүүдлэн эсэргүүцэгчид.Хүрэл ба төмөр.Тэд бүгдээрээ завхарсан.

²⁹Тулман хөөргөөр ширүүн үлээж, хар тугалга шатаж байна.Гэвч цэвэршүүлэлт үр дүнгүй явагдлаа, хорон муу хүмүүс тусгаарлагдаагүй.

³⁰ЭЗЭН тэднийг голсон тул тэднийг гологдсон мөнгө гэдэг.