Дуулал 35

¹ЭЗЭН, надтай тэмцэлдэгчидтэй тэмцэлдээч.Надтай тулалдагчидтай тулалдаач.

²Халхавч, бамбайгаа баринНадад туслахаар босооч.

³Намайг мөрдөгчидтэй тулгарахаар жад, сүхээ сугал.Миний сэтгэлд хандан “Би бол чиний аврал!” гэж хэл.

⁴Миний амийг хайгчдыг шившиг болгож, ичгүүрт у��агаагаач.Миний эсрэг бузар мууг сэдэгчдийг буцааж, дорд болгооч.

⁵Тэднийг ЭЗЭНий тэнгэр элчээр туугдаж буй,Салхинд хийсэх будааны хальс мэт болгооч.

⁶ЭЗЭНий тэнгэр элчээр тэднийг хөөлгөнЗамыг нь харанхуй, халтиргаатай болгооч.

⁷Учир нь ямар ч шалтгаангүйгээр тэд намайг барихаар тор тавьсан,Ямар ч шалтгаангүйгээр тэд миний сүнсэнд нүх ухсан.

⁸Түүнийг мэдээгүй байхад сүйрлийг түүнд ирүүлж,Өөрийнх нь нуусан тор өөрийг нь бариг.Тэр л сүйрэлд түүнийг унагаагаач.

⁹Миний сэтгэл ЭЗЭНд баярлаж,Түүний авралд баясна.

¹⁰Миний бүх яснууд “ЭЗЭН, хэн тантай адил вэ?Хэн зүдэрсэн хүнийг өөрөөс нь илүү хүчтэй нэгнээс,Мөн зүдэрсэн ба гачигдсан хүнийг өөрөөс нь дээрэмддэг нэгнээс авардаг вэ?” гэх болно.

¹¹Хэрцгий гэрч нар босдог.Тэд миний мэдэхгүй зүйлсийг надаас байцаадаг.

¹²Тэд сэтгэлийг минь өнчрүүлэнТусыг минь усаар хариулдаг.

¹³Харин миний хувьд тэднийг өвчтэй байхад би тааран хувцас өмссөн.Би сэтгэлээ мацгаар зовоосон бөгөөдМиний залбирал цээжинд минь буцан ирсээр байв.

¹⁴Би өөрийн найз, эсвэл ах дүүдээ юм шиг тэдэнд үйлдсэн.Би эхийн хойноос гашууддаг нэгэн шиг гашуудан бөхийсөн.

¹⁵Харин намайг бүдэрсэнд тэд баярлан хамтран цуглав.Миний мэддэггүй байсан довтлогчид миний эсрэг цуглаж,Зогсоо зайгүй намайг гүжирдсэн.

¹⁶Найран дээрх бурхангүй тохуурхагчид мэтТэд над уруу шүдээ хавирсан.

¹⁷Эзэн, Та хэдий болтол харж суух вэ?Миний сэтгэлийг тэдний хор хөнөөлүүдээс,Миний цорын ганц амийг арслангуудаас авраач!

¹⁸Би Танд их чуулганд талархал өргөнө.Би Таныг хүчит олон түмний дунд магтах болно.

¹⁹Худал яригч дайснуудыг минь надаас болж бүү баясга.Шалтгаангүйгээр намайг үзэн ядагчдын нүдийг ч бүү хялалзуул.

²⁰Учир нь тэд амар амгаланг ярьдаггүй,Харин газар нутагт аниргүй оршигчдын эсрэг хуурмаг үгсийг зохиодог.

²¹Тэд над уруу амаа том ангайлгадаг.Тэд “Аа, аа, бидний нүд үүнийг харлаа!” гэжээ.

²²ЭЗЭН, Та үүнийг харсан билээ.Бүү дуугүй байгаач.Эзэн, надаас бүү хол байгаач.

²³Миний Бурхан, миний Эзэн, Өөрийгөө сэрээж, намайг хамгаалахаар,Миний хэргийн төлөө босооч.

²⁴Миний Бурхан ЭЗЭН, Өөрийн зөв шударгын дагуу намайг шүүж,Надаас болж тэднийг бүү баясгаач.

²⁵Тэднийг “Аа, бидний хүсэл биеллээ!” гэж зүрхэнд нь бүү хэлүүлээч.Тэднийг “Бид түүнийг залгисан!” гэж бүү хэлүүлээч.

²⁶Миний зовлон зүдгүүрт баясагчдыг бүгдийг ичгүүрт унаган дорд болгооч.Өөрсдийгөө миний дээгүүр дөвийлгөгчдийг ичгүүр, гутамшигт оруулаач.

²⁷Миний зөвтгөлд баярлагчидБаясан хашхирч, баярлан хөөрөг.Тэднээр “Өөрийн зарцын сайн сайхан байдалд баярладагЭЗЭН дээдлэгдэх болтугай!” гэж үргэлжлүүлэн хэлүүлээч.

²⁸Миний хэл ч Таны зөв шударгыг болонТаны магтаалыг өдөржин тунхаглана.