Дуулал 39

¹“Би хэлээрээ нүгэл үйлдэхгүйн тулдӨөрийн зам мөрийг сахих болно.Хорон муу хүн миний өмнө байх зуурБи амаа хазаарлах болно” гэж би хэлсэн.

²Би үг дуугүй байж,Би сайныг ч дуугараагүй бөгөөдМиний шаналал ихсэж байна.

³Миний зүрх дотор минь халуун оргиж,Намайг гүн бодож байхад гал дүрэлзэв.Тэгээд би хэлээрээ ярьсан.

⁴“Эзэн, миний эцэс хийгээд насны минь хэмжээг надад мэдүүлээч.Хэр сул доройг минь надад мэдүүлээч.

⁵Харагтун, Та миний өдрүүдийг алганы чинээхэн,Миний амийг мэлмийнхээ өмнө юу ч биш болгосон.Үнэндээ хүн бүр өөрийн хамгийн сайн үедээ зүгээр л нэг амьсгал юм.Села

⁶Үнэндээ хүн бүр сүг сүүдэр шиг л явдаг.Үнэндээ тэд дэмий юманд л хүрхэрдэг.Тэрээр овоолдог боловч түүнийг хэн авахыг мэддэггүй.

⁷Өө Эзэн, одоо би чухам юуг хүлээнэ вэ?Миний найдвар Танд л байна.

⁸Намайг бүх нүглээс минь авраач.Намайг мунхаг хүнээр бүү зэмлүүлээч.

⁹Та үүнийг үйлдсэн учраасБи хэлгүй болсон бөгөөд би амаа эс нээдэг.

¹⁰Өөрийн гамшгийг надаас зайлуулаач.Таны мутрын цохилтод би үрэгдсэн.

¹¹Гэм буруугийн төлөө зэмлэлээр Та хүнийг гэсгээдэг.Дэнгийн эрвээхийн адил Та түүний хувьд нандин юмсыг шатаадаг.Үнэхээр хүн бүхэн зүгээр л нэг амьсгал юм.Села

¹²ЭЗЭН, миний залбирлыг сонсож,Миний хашхирах дуунд чих тавиач.Нулимсанд минь бүү дуугүй байгаач.Би Танд харь хүн,Өөрийн бүх эцэг өвгөдийн адил түр суугч болой.

¹³Цааш явж, алга болохоосоо өмнөБи дахин баяртай болохын тулд Та харцаа надаас салгаач”.