Дуулал 61

¹Бурхан, миний хашхирахыг сонсооч.Миний залбиралд чих тавиач.

²Миний зүрх сэтгэл дарамтанд ороход газар дэлхийн хязгаараас би Таныг дууддаг. Надаас өндөр хадан тийш намайг хөтлөөч.

³Учир нь Та миний хоргодох газар,Дайсны эсрэг бат бэх цамхаг байсаар ирсэн билээ.

⁴Өөр��йн майханд намайг мөнхөд суулгаач.Таны жигүүрийн дор намайг хоргодуулаач.Села

⁵Бурхан, Та миний тангаргуудыг сонссон билээ.Та нэрээс тань эмээгчдийн өвийг надад өгсөн.

⁶Та хааныг урт наслуулна.Тэрээр олон үеүдийн турш амьдарна.

⁷Тэрээр Бурханы өмнө мөнхөд амьдрах болно.Түүнийг хамгаалуулахаар хайр энэрэл болон үнэнийг томилооч.

⁸Тийнхүү өдөр өдрөөр өөрийн тангаргуудыг биелүүлэхийн тулдБи Таны нэрийг мөнхөд магтан дуулна.