Соломоны Дуун 4

¹—Хонгор минь, чи юутай үзэсгэлэнтэй вэ,Юутай үзэсгэлэнтэй вэ, чи!Гивлүүрийн чинь цаадах чиний нүд тагтаа мэт,үс чинь Гилеад уулаас уруудах ямаан сүрэг мэт ажгуу.

²Шүд чинь саяхан хяргуулан, угаагдаад гарсанхонин сүрэг мэт аж.Тэд бүгд ихрийг тээдэг бөгөөд тэдний дунд ганц нь ч хургаа тээгээгүй билээ.

³Уруул чинь час улаан тууз мэт агаад ам чинь дур булаам билээ.Гивлүүрийн чинь цаадах чиний шанаа зүсэм анар мэт ажээ.

⁴Хүзүү чинь чулуун эгнээгээр босгосон,дээр нь хүчирхэг эрсийн мянган бамбай өлгөөтэй Давидын цамхаг мэт болой.

⁵Хоёр хөх чинь сараана цэцгийн дунд идээшлэх зээрийн ихэр янзага мэт аж.

⁶Сэрүү татаж, сүүдэр арилах хүртэлмиррийн уул уруу, гүглийн толгод тийш би өөрийн замаа хөөн одъё.

⁷Хонгор минь, чи бүхэлдээ үзэсгэлэнтэй бөгөөдчамд ямар ч өө сэв алга.

⁸Сүйт бүсгүй минь, надтай хамт Ливанаас яваач.Надтай хамт чи Ливанаас явж,Аманагийн оргилоос,Сенир, Хермоны оргилоос,Арслангийн үүрнээс,ирвэсүүдийн уулсаас уруудан аялах болтугай.

⁹Дүү минь, сүйт бүсгүй минь,чи зүрхний минь цохилтыг түргэсгэв.Нүднийхээ ганцхан харцаар,хүзүүний зүүлтийхээ ганцхан эрхээрчи зүрхний минь цохилтыг түргэсгэв.

¹⁰Дүү минь, сүйт бүсгүй минь,чиний хайр юутай сайхан бэ!Чиний хайр дарснаас,тосны чинь анхилуун үнэр бүх үнэртнүүдээс юутай илүү вэ!

¹¹Сүйт бүсгүй минь, чиний уруул балыг дуслуулна.Хэлний чинь дор бал, сүү байх аж.Хувцасны чинь анхилуун үнэр Ливаны анхилуун үнэр мэт бөлгөө.

¹²Миний дүү, миний сүйт бүсгүй бол цоожлогдсон цэцэрлэг,цоожлогдсон чулуун цэцэрлэг, лацдуулсан булаг болой.

¹³Чиний нахиа нь анарын цэцэрлэг агаад энэ нь шилмэл жимстэй,нардтай суулгасан хенна,

¹⁴нард ба саффрон, годил ба шанц, үнэртэй бүх мод,Гүгэл болон алоены хамтХамгийн сайхан бүх үнэртэнтэй болой.

¹⁵Чи бол цэцэрлэгийн булаг, цэнгэг усны худаг,Ливанаас урсан гарах горхи болой.—

¹⁶Умардын салхи аа, босооч, өмнөдийн салхи аа, ирээч.Цэцэрлэгийн маань үнэрийг анхилуулан,үнэрийг нь тараагаач.Хайрт минь цэцэрлэгтээ ирж,шилмэл жимсийг нь идэг.