Соломоны Дуун 8

¹Өө, чи минь наддаа, хэрэв эхийн минь хөхөөр тэжээгдсэн ах шиг минь байсан бол,Чамтай би гадаа таарвал би чамайг үнсэхсэн.Хэн ч намайг жигшихгүй байхсан.

²Чамайг би хөтлөөд,намайг сургагч эхийнхээ гэрт оруулах байсан.Чамд би уулгах гэж өөрийн анарын шүүснээс гарсан амтат дарсыг өгөх байсан.

³Түүний зүүн гар нь толгой дор минь байж,баруун гар нь намайг тэврэг.—

⁴Иерусалимын охид оо, би та нарт тушаая.Тааламжтай болтол хайрыг та нар бүү өдөөн, бүү сэрээгтүн.—

⁵Хайртыгаа түшсээр цөлөөс ирэгч энэ хэн юм бэ?—Алимын модон дор би чамайг сэрээлээ.Тэнд чамайг эх чинь төрүүлэх гэж өвдөж байсан бөгөөдтэнд тэрээр төрүүлэх гэж өвдөж, чамайг төрүүлсэн билээ.

⁶Зүрхэндээ намайг тамга мэт,гар дээрээ намайг тамга мэт тавь.Учир нь хайр бол үхэл мэт хүчтэй,хардалт бол Үхэгсдийн орон мэт хатуу ширүүн билээ.Түүний гялбаа нь галын гялбаа агаад ЭЗЭНий дөл билээ.

⁷Их ус хайрыг унтрааж үл чадна.Гол ч түүнийг хальж үл чадна.Хүн гэрийнхээ бүх баялгийг хайрын төлөө өгөх байсан ч,энэ нь басамжлагдах нь гарцаагүй»—

⁸Бид бяцхан охин дүүтэй агаадтүүнд хөх байхгүй билээ.Түүний тухай яригдах өдөр бид түүний төлөө юу хийх вэ?

⁹Хэрэв тэрээр хана бол бид түүний дээр мөнгөн цайз босгоно.Хэрэв тэрээр хаалга бол бид түүнийг хушин банзаар халхална.—

¹⁰Би бол хана. Хөх минь ч цамхаг мэт.Тэгээд би түүний нүдэнд амар амгаланг олдог нэгэн мэт байсан билээ.

¹¹Соломон Баал-хамонд усан үзмийн тариалантай байв.Тэрээр усан үзмийн тариалангаа сахиулуудад хариуцуулав.Хүн нэг бүр үр жимснийх нь төлөө мянган мөнгөн шекелийг авчирдаг байв.

¹²Миний өөрийн усан үзмийн талбай өмнө минь байна.Мянган шекел нь Соломон танд,хоёр зуу нь түүний үр жимсийг арчлагчдад нь өгөгдөх юм.—

¹³Цэцэрлэгт суугч аа,андууд маань дуу хоолойг чинь сонсоно.Надад ч мөн дуугаа сонсгооч!—

¹⁴Хайрт минь, түргэл,Анхилуун үнэрт уулс дээрх зээр,эсвэл идэр буга мэт байгтун.