भजनसंग्रह 100

¹हे सारा पृथ्वीको मानिसहरू हो, परमप्रभुको जयजयकार गर।

²परमप्रभुको सेवामा खुशी हौ! खुशीका गीतहरू लिए��� परमप्रभुको सम्मुख आऊ!

³परमप्रभु नै हाम्रा परमेश्वर हुनुहुन्छ भन्ने जान। उहाँले हामीलाई रच्नु भयो अनि हामी उहाँका मानिसहरू हौं, हामी उहाँका भेंडा हौं।

⁴उहाँको शहरमा धन्यवादको गीत लिएर आऊ। उहाँको मन्दिरमा प्रशंसाको गीतहरू लिएर आऊ। उहाँको प्रशंसा गर र उहाँको नाउँलाई धन्यवाद चढाओ।

⁵परमप्रभु, भलो हुनुहुन्छ। उहाँको प्रेम अनन्त छ। हामी सदा सर्वदा उहाँमाथि भरोसा राख्न सक्छौं!