1 Chronicles 24

¹Ga yadda 'ya'yan Haruna, maza, suka karkasu. 'Ya'yan Haruna, maza, su ne Nadab, da Abihu, da Ele'azara, da Itamar.

²Amma Nadab da Abihu sun riga mahaifinsu mutuwa, ba su kuma da 'ya'ya. Saboda haka Ele'azara da Itamar suka shiga aikin firistoci.

³Sai Dawuda da Zadok daga zuriyar Ele'azara, da Ahimelek daga zuriyar Itamar suka karkasa su bisa ga ƙayyadaddun lokatansu na yin aiki.

⁴Tun da yake akwai manyan mutane da yawa a zuriyar Ele'azara fiye da zuriyar Itamar, sai suka karkasa su haka, shugabannin gidajen kakannin zuriyar Ele'azara mutum goma sha shida, na zuriyar Itamar kuwa su takwas, bisa ga gidajen kakanninsu.

⁵Da haka aka karkasa su ta hanyar kuri'a gama akwai ma'aikatan Wuri Mai Tsarki da kuma ma'aikata na Allah daga zuriyar Ele'azara da zuriyar Itamar.

⁶Shemaiya, ɗan Netanel marubuci, Balawe, ya rubuta su a gaban sarki da shugabanni, da Zadok firist, da Ahimelek ɗan Abiyata, da shugabannin gidajen kakannin firistoci, da Lawiyawa. Aka ɗauki gida guda daga gidajen kakannin Ele'azara, aka kuma ɗauki ɗaya daga gidajen kakannin Itamar.

⁷7-18 Ga yadda aka shirya ƙungiyoyin iyali ashirin da huɗu su sami aikinsu: 1 .Yehoyarib, 2.Yedaiya, 3.Harim, 4.Seyorim, 5.Malkiya, 6.Mijamin, 7.Hakkoz, 8.Abaija, 9.Yeshuwa, 10.Shekaniya, 11.Eliyashib, 12.Yakim, 13Huffa, 14.Yeshebeyab, 15.Bilga, 16.Immer, 17.Hezir, 18.Haffizzez, 19.Fetahiya, 20.Yehezkel, 21.Yakin, 22.Gamul, 23.Delaiya, 24.Ma'aziya.

⁸[...]

⁹[...]

¹⁰[...]

¹¹[...]

¹²[...]

¹³[...]

¹⁴[...]

¹⁵[...]

¹⁶[...]

¹⁷[...]

¹⁸[...]

¹⁹Waɗannan suna da aikin da aka ba su na hidimar Haikalin Ubangiji bisa ga ka'idar da kakansu Haruna ya kafa musu, kamar yadda Ubangiji Allah na Isra'ila ya umarce shi.

²⁰Sauran 'ya'yan Lawi, maza, na wajen Amram, shi ne Shebuwel.Na wajen Shebuwel, shi ne Yedaiya.

²¹Na wajen Rehabiya, shi ne Isshiya,

²²Na wajen Izhara, shi ne Shelomit, na wajen Shelomit, shi ne Yahat.

²³Na wajen Hebron, su ne Yeriya na fari, da Amariya, da Yahaziyel, da Yekameyam.

²⁴Na wajen Uzziyel, shi ne Mika, na wajen Mika, shi ne Shamir.

²⁵Ɗan'uwan Mika, shi ne Isshiya. Na wajen Isshiya, shi ne Zakariya.

²⁶Na wajen Merari, Mali da Mushi, da Yayaziya. Na wajen Yayaziya, shi ne Beno.

²⁷Na wajen Merari, wato na wajen Yayaziya, su ne Beno, da Shoham, da Zakkur, da Ibri.

²⁸Na wajen Mali, shi ne Ele'azara wanda ba shi da 'ya'ya maza.

²⁹Na wajen Kish, ɗan Kish, shi ne Yerameyel.

³⁰'Ya'yan Mushi, maza, su ne Mali, da Eder, da Yerimot.Waɗannan su ne 'ya'yan Lawiyawa, maza, bisa ga gidajen kakanninsu.

³¹Su ma suka jefa kuri'a kamar yadda 'yan'uwansu, 'ya'yan Haruna, maza, suka yi a gaban sarki Dawuda, da Zadok, da Ahimelek, da shugabannin gidajen kakanni na firistoci da na Lawiyawa. Shugaban gidan kakanni ya jefa kuri'a daidai da ƙanensa.