Isaiah 35

¹Hamada za ta yi farin ciki.Furanni za su hudo a ƙasa da ba ta da amfani.

²Hamada za ta raira waƙa da sowa don murna,Za ta zama kyakkyawa kamar Dutsen Lebanon,Da dausayi kamar filayen Karmel da Sharon.Kowa zai ga mafificiyar ɗaukakar Allah,Ya ga girmansa da ikonsa.

³Ku ƙarfafa hannuwan da suka gaji,Da gwiwoyin da suke fama da rashin ƙarfi.

⁴Ku faɗa wa dukan wanda ya karai, ku ce,“Ka ƙarfafa, kada kuwa ka ji tsoro!Allah yana zuwa domin ya kuɓutar da kai,Yana zuwa domin ya ɗauki fansa a kan abokan gābanka.”

⁵Makaho zai iya ganin gari,Kurma kuma zai iya ji.

⁶Gurgu zai yi tsalle ya yi rawa,Waɗanda ba su iya magana za su yi sowa don murna.Rafuffukan ruwa za su yi gudu a cikin hamada,

⁷Yashi mai ƙuna kuma zai zama tafki,Ƙeƙasasshiyar ƙasa kuma za ta cika da maɓuɓɓugai.Inda diloli suka yi zama,Ciyawar fadama da iwa za su tsiro.

⁸Za a yi babbar karauka a can,Za a kira ta, “Hanyar Tsarki.”Ba mai zunubi da zai taɓa bi ta wannan hanya,Ba wawayen da za su ruɗar da waɗanda suke tafiya can.

⁹Ba za a sami zakoki a can ba,Mugayen namomin jeji ba za su bi ta can ba.Waɗancan da Ubangiji ya fansarSu za su zo gida ta wannan hanya.

¹⁰Za su kai Urushalima da murna,Suna raira waƙa suna sowa don murna.Za su yi farin ciki har abada,Ba damuwa da ɓacin rai har abada.