Jonah 2

¹Sai Yunusa ya yi addu'a ga Ubangiji Allah a cikin cikin kifin,

²ya ce,“A cikin wahalata na yi kira gare ka,ya Ubangiji,Ka a kuwa amsa mini.Daga can cikin lahira na yi kira,Ka kuwa ji muryata.

³Ka jefa ni cikin zurfi,Can cikin tsakiyar teku,Inda igiyoyin ruwa suka kewaye ni,Kumfa da raƙuman ruwanka sukabi ta kaina.

⁴Na ce, an kore ni daga wurinka,Duk da haka zan sāke ganinHaikalinka mai tsarki.

⁵Ruwa ya sha kaina,Tekun ta rufe ni ɗungum.Tsire- tsiren teku suka naɗe kaina.

⁶Na tafi can ƙasa ƙarƙashin tussanduwatsu.Ƙasar da ƙofarta take rufe har abada,Amma ka fitar da ni daga cikinramin, ya Ubangiji Allahna.

⁷Sa'ad da na ji raina yana rabuwa dani,Sai na tuna da kai, ya Ubangiji.Addu'ata kuwa ta kai gare ka aHaikalinka tsattsarka.

⁸Su waɗanda suke yin sujada ga gumakamarasa amfaniSun daina yi maka biyayya.

⁹Amma ni zan raira yabbai gare ka,Zan miƙa maka sadaka,Zan cika wa'adin da na yi.Ceto daga wurin Ubangiji yake.”

¹⁰Ubangiji kuwa ya umarci kifin, kifin kuwa ya amayar da Yunusa a gaɓar teku.