Psalms 38

¹Kada ka yi fushi har ka tsauta mini, ya Ubangiji!Kada ka hukunta ni da fushinka!

²Ka hukunta ni, ka kuwa yi mini rauni,Ka kuma buge ni har ƙasa.

³Saboda fushinka ina ciwo mai tsanani,Duk jikina ya kamu da ciwo saboda zunubina.

⁴Ina nutsewa cikin ambaliyar zunubaina,Ina jin nauyinsu, sun danne ni ƙasa.

⁵Saboda wawancina, miyakuna sun ruɓe, suna wari,

⁶An tanƙware ni, an ragargaza ni,Ina ta kuka dukan yini.

⁷Ina fama da zazzaɓi,Ina rashin lafiya ƙwarai.

⁸An ragargaza ni sarai, an kuwa ci nasara a kaina,Na damu a zuciyata, ina nishi don zafi.

⁹Ka san bukatata, ya Ubangiji,Kana jin dukan nishe- nishena.

¹⁰Zuciyata tana ɗar, ƙarfina ya ƙāre,Idanuna sun dushe.

¹¹Abokaina da maƙwabtana ba su ko zuwa kusa da ni, saboda miyakuna,Har iyalina ma sun guje mini.

¹²Masu son kashe ni, sun haƙa mini tarkuna,Masu so su cuce ni, suna barazanar lalatar da ni,Yini sukutum suna ƙulla mini maƙarƙashiya.

¹³Kamar kurma nake, ba na iya ji,Kamar kuma bebe, ba na iya magana.

¹⁴Ni kamar mutumin da ba ya iya amsawa nake, don ba na ji.

¹⁵Na dogara gare ka, ya Ubangiji,Kai za ka amsa mini, ya Ubangiji Allahna.

¹⁶Kada ka bar magabtana su yi murna saboda wahalata.Kada ka bar su su yi kirari a kan faɗuwata!

¹⁷Ina gab da fāɗuwa,Ina cikin azaba kullum.

¹⁸Na hurta zunubaina,Sun cika ni da taraddadi.

¹⁹Magabtana lafiyayyu ne masu ƙarfi.Waɗanda yake ƙina ba dalili, suna da yawa.

²⁰Masu rama nagarta da mugunta,Suna gāba da ni,Domin ina ƙoƙarin aikata abin da yake daidai.

²¹Kada ka yashe ni, ya Ubangiji,Kada ka rabu da ni, ya Allahna!

²²Sai ka taimake ni yanzu, ya Ubangiji, Mai Cetona!