1 Chronicles 7

¹Na rĩrĩ, ariũ a Isakaru nĩ Tola, na Pua, na Jashubu, na Shimuroni, andũ ana.

²Nao ariũ a Tola nĩ Uzi, na Refaia, na Jerieli, na Jahamai, na Ibisamu, na Shemueli; andũ acio-rĩ, maarĩ anene a nyũmba cia maithe mao, naguo ũguo nĩ ta kuuga nyũmba cia ariũ a Tola; nao maarĩ njamba irĩ hinya njiaro-inĩ ciao, na matukũ ma Daudi andũ acio maarĩ andũ ngiri mĩrongo ĩĩrĩ na igĩrĩ na magana matandatũ magĩtarũo.

³Nao ariũ a Uzi nĩ Izirahia; na me hamwe na ariũ ake, Mikaeli, na Obadia, na Joeli, na Ishia, maarĩ andũ atano; acio othe maarĩ andũ anene a andũ ao.

⁴Na hamwe nao nĩkwarĩ andũ ngiri mĩrongo ĩtatũ na ithathatũ maarĩ itungati cia mbũtũ ya kũrũa mbaara, o ta ũrĩa njiaro ciao ciatariĩ, o na ta ũrĩa nyũmba cia maithe ciatariĩ; nĩ gũkorũo maarĩ na aka aingĩ, o na ariũ ao aingĩ.

⁵Nao ariũ a ithe wao, thĩinĩ wa mbarĩ ciothe cia Isakaru, maarĩ ngiri mĩrongo ĩnana na mũgwanja, magĩtarũo o ti ũrĩa njiaro ciao ciatariĩ, nao othe maarĩ njamba irĩ hinya.

⁶Nao ariũ a Benjamini nĩ Bela, na Bekeri, na Jediaeli, nĩ atatũ.

⁷Nao ariũ a Bela nĩ Eziboni, na Uzi, na Uzieli, na Jerimothu, na Irĩ, nĩ atano; nao maarĩ anene thĩinĩ wa nyũmba cia maithe mao, ningĩ maarĩ njamba irĩ hinya; nao magĩtarũo o ta ũrĩa njiaro ciao ciatariĩ-rĩ, maarĩ ngiri mĩrongo ĩĩrĩ na igĩrĩ, na mĩrongo ĩtatũ na ana.

⁸Nao ariũ a Bekeri nĩ Zemira, na Joashu, na Eliezeru, na Elioenai, na Omuri, na Jeremothu, na Abija, na Anathothu, na Alemethu. Acio othe maarĩ ariũ a Bekeri,

⁹na nĩo maarĩ anene thĩinĩ wa nyũmba cia maithe mao, na njamba irĩ hinya. Nao maarĩ ngiri mĩrongo ĩĩrĩ na magana merĩ, magĩtarũo na ũndũ wa ũhoro wa njiarũa, o ta ũrĩa njiaro ciao ciatariĩ.

¹⁰Na ariũ a Jediaeli nĩ Bilihani; na ariũ ake nĩ Jeushu, na Benjamini, na Ehudu, na Kenaana, na Zethani, na Tarishishi, na Ahishaharu.

¹¹Acio othe nĩ ariũ a Jediaeli, o ta ũrĩa anene a nyũmba cia maithe mao maatariĩ, na maarĩ njamba irĩ hinya ngiri ikũmi na mũgwanja na magana merĩ arĩa maahotaga kuumagara mathiĩ na mbũtũ cia ita.

¹²O nao Shupimu na Hupimu maarĩ ariũ a Iru, na Hushimu aarĩ mũrũ wa Aheri.

¹³Nao ariũ a Nafitali nĩ Jahazieli, na Guni, na Jezeri, na Shalumu, ariũ a Biliha.

¹⁴Nao ariũ a Manase nĩ Asirieli, ũrĩa aaciarĩirũo nĩ mũka; (nayo thuriya yake ya Mũaramiti ĩgĩciara Makiru, ithe wa Gileadi;

¹⁵nake Makiru akĩhikia mwarĩ wa nyina na Hupimu na Shupimu, nake mwarĩ ũcio wa nyina wao nĩwe wetagwo Maaka;) nake ũrĩa ũngĩ wa kerĩ etagwo Zelofehadi; nake Zelofehadi aarĩ na airĩtu ake.

¹⁶Nake Maaka, mũka wa Makiru, agĩciara kahĩĩ, agĩgatua Pereshu; nake mũrũ wa nyina etagwo Shereshu; nao ariũ ake nĩ Ulamu, na Rakemu.

¹⁷Nao ariũ a Ulamu nĩ Bedani. Acio nĩo maarĩ ariũ a Gileadi, mũrũ wa Makiru wa Manase.

¹⁸Nake mwarĩ wa nyina Hamolekethu agĩciara Ishihodi, na Abiezeri, na Mahala.

¹⁹Nao ariũ a Shemida nĩ Ahiani, na Shekemu, na Liki, na Aniamu.

²⁰Nao ariũ a Efiraimu nĩ Shuthela, na Beredi mũrũwe wa ũcio, na Tahathu mũrũwe wa ũcio, na Eleada mũrũwe wa ũcio,

²¹na Tahathu mũrũwe wa ũcio, na Zabadi mũrũwe wa ũcio, na Shuthela mũrũwe wa ũcio, na Ezeri na Eleadi arĩa moragirũo nĩ andũ a Gathi, arĩa ene bũrũri ũcio, nĩ gũkorũo nĩmaaikũrũkĩte magĩthiĩ gũtaha ũhiũ wao.

²²Nake ithe wao, Efiraimu, akĩmarĩrĩra matukũ maingĩ; nao ariũ a ithe magĩthiĩ kũmũkiria maithori.

²³Thutha wa ũguo akĩonana na mũka, nake akĩgĩa ihu, agĩciara kahĩĩ, agĩgatua Beria, nĩ ũndũ maũndũ wa gwake mũciĩ nĩmaathiĩte ũũru.

²⁴Nake mwarĩ nĩ Sheera, ũrĩa waakire Bethi-horoni ya mũhuro o na ya rũgongo igũrũ, o na Uzeni-sheera.

²⁵Nake Refa nĩ mũrũwe, na Resefu, nake Tela nĩ mũrũwe wa ũcio, na Tahani, mũrũwe wa ũcio,

²⁶na Ladani, mũrũwe wa ũcio, na Amihudu mũrũwe wa ũcio, na Elishama mũrũwe wa ũcio,

²⁷na Nuni mũrũwe wa ũcio, na Joshua mũrũwe wa ũcio.

²⁸Nakuo Beth-eli nĩkuo megwatĩire gũgĩtuĩka kwao, gũgĩgĩtuĩki ũtũũro wao, hamwe na matũũra makuo; o nakuo mwena wa irathĩro makĩĩgwatĩra Naara, o nakuo mwena wa ithũĩro makĩĩgwatĩra Gezeri, hamwe na matũũra makuo, o na Shekemu, hamwe na matũũra makuo, o nginya Aza, hamwe na matũũra makuo;

²⁹ningĩ mĩhaka-inĩ ya ciana cia Manase makĩĩgwatĩra Bethi-shani, hamwe na matũũra marĩo, na Taanaka, hamwe na matũũra marĩo, na Megido, hamwe na matũũra marĩo, na Dori, hamwe na matũũra marĩo. Nakuo kũu nĩkuo gwatũũrirũo nĩ ciana cia Jusufu, mũrũ wa Isiraeli.

³⁰Nao ariũ a Asheri nĩ Imuna, na Ishiva, na Ishivi, na Beria, na Sera, mwarĩ wa nyina wao.

³¹Nao ariũ a Beria nĩ Heberi, na Malikieli, ũrĩa warĩ ithe wa Birizaithu.

³²Nake Heberi agĩciara Jafileti, na Shomeri, na Hothamu, na Shua, mwarĩ wa nyina wao.

³³Nao ariũ a Jafileti nĩ Pasaka, na Bimihali, na Ashavathu. Acio nĩo ariũ a Jafileti.

³⁴Nao ariũ a Shemeri nĩ Ahi, na Rohaga, na Jehuba, na Aramu.

³⁵Nao ariũ a Helemu, mũrũ wa ithe, nĩ Zofa, na Imuna, na Sheleshu, na Amali.

³⁶Nao ariũ a Zofa nĩ Sua, na Harineferi, na Shuali, na Beri, na Imura,

³⁷Bezeri, na Hodi, na Shama, na Shilisha, na Ithirani, na Beera.

³⁸Nao ariũ a Jetheri nĩ Jefune, na Pisipa, na Ara.

³⁹Nao ariũ a Ula nĩ Ara, na Hanieli, na Rizia.

⁴⁰Acio othe nĩo maarĩ ciana cia Asheri, na nĩo maarĩ anene thĩinĩ wa nyũmba cia maithe mao, ningĩ nĩo maarĩ njamba irĩ hinya na iria thure, na anene a gwathaga aathani arĩa angĩ. Nao maarĩ andũ ngiri mĩrongo ĩĩrĩ na ithathatũ magĩtarũo o ta ũrĩa njiarũa ciao ciatariĩ a gũthiaga mbũtũ-inĩ cia ita.