1 Chronicles 9

¹Ũguo nĩguo Aisiraeli othe maatarirũo o ta ũrĩa njiarũa ciao ciatariĩ; na atĩrĩrĩ, nĩmaandĩkĩtwo ibuku-inĩ rĩa athamaki a Isiraeli: nao andũ a Juda magĩtahwo magĩtwarũo Babuloni nĩ ũndũ wa kwagarara watho.

²Na rĩrĩ, andũ arĩa maambire gũcoka gũtũũra kwao, o kũu matũũra-inĩ mao, maarĩ andũ a Isiraeli o ro ũguo, na athĩnjĩri-Ngai, na Alawii, o na Anethini.

³Na rĩrĩ, kũu Jerusalemu gũgĩtũũrũo nĩ ciana imwe cia Juda, o na cia Benjamini, o na cia Efiraimu na Manase;

⁴nacio nĩ Uthai, mũrũ wa Amihudu wa Omuri, wa Imuri, wa Bani, wa ciana cia Perezu, mũrũ wa Juda.

⁵O nao Ashiloni nĩ aya, nĩ Asaia ũrĩa wa irigithathi, o na ariũ ake.

⁶Ningĩ thĩinĩ wa ariũ a Zera nĩ Jeueli na ariũ a ithe wao, andũ magana matandatũ na mĩrongo kenda.

⁷Na thĩinĩ wa ariũ a Benjamini nĩ Salu, mũrũ wa Meshulamu wa Hodavia wa Hasenua,

⁸na Ibineia wa Jerohamu, na Ela wa Uzi wa Mikiri, na Meshulamu, mũrũ wa Shefatia wa Reueli wa Ibinija,

⁹na ariũ a ithe wao, o ta ũrĩa njiaro ciao ciatariĩ, andũ magana kenda na mĩrongo ĩtano na atandatũ. Andũ acio othe-rĩ, maarĩ anene a nyũmba cia maithe mao, o ta ũrĩa ũhoro wa nyũmba cia maithe mao watwaranĩte.

¹⁰Ningĩ thiritũ-inĩ ya athĩnjĩri-Ngai kwarĩ Jedaia, na Jehoiaribu, na Jakini,

¹¹na Azaria, mũrũ wa Hilikia wa Meshulamu, wa Zadoku, wa Meraiothu, wa Ahitubu, ũrĩa waathaga maũndũ ma nyũmba ya Ngai;

¹²na Adaia, mũrũ wa Jerohamu wa Pashuru wa Malikija; na Maasai mũrũ wa Adieli wa Jahazera, wa Meshulamu, wa Meshilemithu, wa Imeri;

¹³o na ariũ a ithe wao, arĩa maarĩ anene thĩinĩ wa nyũmba cia maithe mao, andũ ngiri ĩmwe na magana mũgwanja ma mĩrongo ĩtandatũ; nao maarĩ andũ maahotete kũruta wĩra wa nyũmba ya Ngai mũno.

¹⁴Na thiritũ-inĩ ya Alawii kwarĩ Shemaia, mũrũ wa Hashubu wa Azirikamu wa Hashabia, wa ariũ a Merari;

¹⁵na Bakabakari, na Hereshi, na Galali, na Matania, mũrũ wa Mika wa Zikiri, wa Asafu;

¹⁶na Obadia, mũrũ wa Shemaia wa Galali, wa Jeduthuni; na Berekia, mũrũ wa Asa wa Elikana, ũrĩa watũire tũtũũra twa Anetofathi.

¹⁷Nao andũ arĩa maaikaragia mĩrango maarĩ Shalumu, na Akubu, na Talimoni, na Ahimani, o na ariũ a ithe wao; nake Shalumu nĩwe warĩ mũnene wao;

¹⁸acio mbere ĩo nĩo maaikaraga mũrango-inĩ wa mũthamaki mwena wa irathĩro; na nĩo maarĩ aikaria ihingo cia kĩraaro gĩa ciana cia Lawii.

¹⁹Na rĩrĩ, Shalumu, mũrũ wa Kore wa Ebiasafu, wa Kora, na ariũ a ithe, o acio a nyũmba ya ithe na nĩo maarĩ Akora, nĩo maarĩ arori a wĩra ũcio warutagwo wa gũikaria matonyero ma Gĩikaro, o ta ũrĩa maithe mao maaikaragia handũ harĩa hema yatonyagĩrũo kĩraaro-inĩ kĩa andũ a Jehova;

²⁰nake Finehasi, mũrũ wa Eleazaru, nĩwe wamaathaga tene, nake Jehova aarĩ hamwe nake.

²¹O nake Zekaria, mũrũ wa Meshelemia, aarĩ mũikaria wa mũrango wa Hema-ya-gũtũnganwo.

²²Nao arĩa othe maathurirũo matuĩke aikaria mĩrango maarĩ andũ magana merĩ na ikũmi na erĩ. Nao maatarirũo o ta ũrĩa njiaro ciao ciatariĩ tũtũũra-inĩ twao, nao nĩo maatuirũo aruti wĩra ũcio wa kĩrũma nĩ Daudi na Samweli ũrĩa muoni maũndũ.

²³Tondũ ũcio andũ acio o ene, o na ciana ciao, nĩo maarĩ aikaria a mĩrango ya nyũmba ya Jehova, o nyũmba ĩrĩa ya Hema ĩo, na ũndũ wa ituanĩra.

²⁴Nao aikaria acio a mĩrango maaigĩtwo mĩena ĩna, o ĩrĩa yarorete irathĩro, na ithũĩro, na gathigathini, na gũthini.

²⁵Nao ariũ a ithe wao a matũũra mao magĩathĩrũo matuanĩra ma gũũkaga kuo mahinda o mahinda, manine mĩthenya mũgwanja kuo, nĩ getha magaikare hamwe nao;

²⁶nĩ gũkorũo aikaria mĩrango arĩa anene ana, acio Alawii, maatuirũo a kũruta wĩra wa kĩrũma, na nĩo maaroraga tũnyũmba o na handũ harĩa indo cia bata cia nyũmba ya Ngai ciaigagwo.

²⁷Nao maaraaraga marigicĩirie nyũmba ya Jehova, nĩ ũndũ ũrori wayo warĩ wao, o na ningĩ ũhingũri wayo wa rũcinĩ o rũcinĩ warĩ wao.

²⁸Na andũ amwe thĩinĩ wao nĩo maarĩ amenyereri a indo iria ciarutagwo wĩra nacio; nĩ gũkorũo nĩciataragwo igĩtonyio nyũmba thĩinĩ; o na ningĩ ĩkĩrutwo nja no ciataragwo.

²⁹O na ningĩ andũ amwe ao maatuirũo arori a indo iria ciarutagwo wĩra nacio, o na marorage indo ciothe cia handũ hau haamũre, o na mũtu ũrĩa mwega mũhinyu mũno, o na ndibei, o na maguta, o na ubani, o na mahuti marĩa manungi wega.

³⁰Nao andũ amwe thĩinĩ wa athĩnjĩri-Ngai magatukangania mahuti macio manungi wega.

³¹Nake Matithia, mũndũ ũmwe wa Alawii, irigithathi rĩa Shalumu Mũkora, nĩwe waheirũo wĩra wa kĩrũma wa kũrora indo iria ciakarangagwo na nyũngũ.

³²Nao andũ amwe a ithe wao, thĩinĩ wa ariũ a Akohathu, nĩo maarĩ arori a mĩgate ĩrĩa yaigagwo mbere ya Jehova, nĩguo mamĩthondekage mĩthenya yothe ya thabatũ.

³³Na rĩrĩ, aya nĩo aini, nao maarĩ anene thĩinĩ wa nyũmba cia maithe ma Alawii, nao maatũũraga tũnyũmba-inĩ tũu, magaikara matekũheo wĩra ũngĩ, nĩ gũkorũo maatindaga makĩruta wĩra ũcio wao mũthenya, o na makaraara makĩũruta ũtukũ.

³⁴Acio nĩo maarĩ anene a nyũmba cia maithe ma Alawii, njiaro-inĩ ciao ciothe, na maarĩ andũ me igweta, nao maatũũraga Jerusalemu.

³⁵Nake Jeieli, ithe wa Gibeoni, aatũire Gibeoni, nake mũka etagwo Maaka;

³⁶narĩo irigithathi rĩake rĩa kahĩĩ rĩetagwo Abidoni, na arĩa angĩ nĩ Zuru, na Kishu, na Baali, na Neri, na Nadabu,

³⁷na Gedori, na Ahio, na Zekaria, na Mikilothu.

³⁸Nake Mikilothu agĩciara Shimeami. Nao magatũũranagia na ariũ a ithe wao kũu Jerusalemu, mang’ethanĩire na ariũ a ithe wao.

³⁹Nake Neri agĩciara Kishu, nake Kishu agĩciara Saulu; nake Saulu agĩciara Jonathani, na Malikishua, na Abinadabu, na Eshibaali.

⁴⁰Nake mũrũ wa Jonathani nĩ Meribu-baali; nake Meribu-baali agĩciara Mika.

⁴¹Nao ariũ a Mika nĩ Pithoni, na Meleku, na Taharea, na Ahazu.

⁴²Nake Ahazu agĩciara Jara; nake Jara agĩciara Alemethu, na Azimavethu, na Zimuri; nake Zimuri agĩciara Moza;

⁴³nake Moza agĩciara Binea, nake Refaia, nĩwe mũrũwe wa ũcio, na Eleasa mũrũwe wa ũcio, na Azeli mũrũwe wa ũcio;

⁴⁴nake Azeli aarĩ na ariũ atandatũ, namo marĩĩtwa mao nĩ maya, nĩ Azirikamu, na Bokeru, na Ishumaeli, na Shearia, na Obadia, na Hanani; acio nĩo maarĩ ariũ a Azeli.