Psalms 113

¹GOOCAI Jehova! Mũgoocei, inyuĩ ndungata ici cia Jehova, kĩgoocei rĩĩtwa rĩa Jehova.

²Rĩĩtwa rĩa Jehova rĩrotũũra rĩgathagwo kuuma rĩu nginya tene na tene.

³Kuuma o irathĩro rĩa riũa nginya o ithũĩro rĩarĩo, rĩĩtwa rĩa Jehova rĩagĩrĩire o rĩgoocagwo.

⁴Jehova-rĩ, atũũgĩrĩte igũrũ rĩa ndũrĩrĩ ciothe, riri wake nĩ mũhĩtũku o igũrũ rĩa igũrũ.

⁵Nũ ũhaana ta Jehova Ngai witũ, ũcio wĩtũũgĩrĩire e kũu aikaire,

⁶O ũcio wĩnyihagia arorererie maũndũ ma igũrũ o na ma gũkũ thĩ?

⁷Gũũkĩria nĩokĩragia mũndũ ũrĩa mũhũthũ, akamũruta tĩri-inĩ, o ũcio mwagi-rĩ, agakĩmuoya akamũruta kĩara-inĩ;

⁸Agatũma aikaranagie na anene, o ro hamwe na anene a kĩrĩndĩ kĩao.

⁹Atũmaga mũtumia arĩ thata agĩe na nyũmba, agatuĩka nyina wa ciana, agakenaga. Goocai Jehova!