Psalms 122

¹NĨ GUKENA ndĩrakenire maanjĩra tũthiĩ nyũmba-inĩ ya Jehova.

²Magũrũ maitũ rĩu nĩkuo marũngiĩ, ihingo ciaku na thĩinĩ, wee Jerusalemu;

³Jerusalemu, o wee wakĩtwo ta gĩtũũro gĩtumaine o wega.

⁴Nĩkuo mĩhĩrĩga ĩthiaga ĩkĩambatagĩrĩra, mĩhĩrĩga o ĩo ya Jehova: nĩ ũira harĩ Isiraeli, ĩgĩthiaga kuo gũcokeria rĩĩtwa rĩa Jehova ngatho.

⁵Nĩ gũtuĩka nĩkuo kwaigĩtwo itĩ iria cia cira, itĩ cia ũnene, o iria cia mbarĩ ya Daudi.

⁶Kĩhoerei Jerusalemu thayũ: arĩa wee makwendete-rĩ, marotũũra magaacĩirũo.

⁷Gwaku o ũguo kũirigĩtwo kũroikara o thayũ, thĩinĩ wa nyũmba ciaku cia ũnene kũrotũũra gwĩ kũhoro.

⁸Tondũ wa andũ aitũ, o na arata arĩa tũikaranagia nao, ngũkiuga atĩrĩrĩ, Thĩinĩ waku kũrotũũra o na thayũ!

⁹Tondũ wa nyũmba ya Jehova Ngai witũ-rĩ, ndĩĩgũcaragĩria o maũndũ ma wega.