Psalms 124

¹TIGA arĩ Jehova ũrarĩ mwena witũ, Isiraeli ta nĩmakiuge ũguo;

²Tiga arĩ Jehova ũrarĩ mwena witũ rĩrĩa andũ maratũũkĩrĩire,

³Nĩmangĩratũmeririe tũrĩ o muoyo hĩndĩ ĩo marakara mao maratwakanĩire ta mwaki;

⁴Nĩ kũhubwo tũngĩrahubirũo nĩ maria, mĩoyo iitũ ĩngĩraagararirũo nĩ mũiyũro;

⁵Maria macio megũgũmi nĩmangĩraagararire igũrũ rĩa mĩoyo iitũ.

⁶Jehova we arogathwo! nĩ ũndũ ndanatũrekereria tũtuĩke a gũtamburũo nĩ magego mao.

⁷Muoyo witũ ũrĩ kũhonoka ta nyoni ĩhonokete mũtego-inĩ wa arĩa maitegaga; mũtego watuĩka, ithuĩ twakĩhonoka.

⁸Gũteithio gwitũ kuumaga harĩ rĩĩtwa rĩa Jehova, ũrĩa wombire igũrũ na thĩ.