Psalms 13

¹Ĩ JEHOVA, nĩ nginya rĩ ũgũtũũra ũriganĩirũo nĩ niĩ ta ndiganĩire o nginya tene? nĩ nginya rĩ ũgũtũũra wĩĩ’hithĩire ũthiũ ndũkanyone?

²Nĩ ihinda rĩigana atĩa ngũtũũra ndĩĩgiyaga thĩinĩ wa roho wakwa, ngagĩtindaga mũthenya wothe ndĩ o na kĩeha ngoro? nĩ ihinda rĩigana atĩa thũ yakwa ĩgũtũũra ĩtũũgĩrĩte igũrũ rĩakwa?

³Jehova Ngai wakwa, ndora, ũkĩnjokerie ũhoro: ta tũma maitho makwa mathere, ndikae gũkoma toro ũrĩa wa gĩkuũ;

⁴Thũ yakwa ndĩgakiuge atĩrĩ, Nĩ hĩndĩ ndamũhoota! acio me muku na niĩ matigacanjamũke ndenyenyeka.

⁵No niĩ-rĩ, ũtugi waku nĩguo ndĩĩhokete; ngoro yakwa nĩĩcanjamũkĩre ũhonokio waku:

⁶Nĩ kũina ngũinĩra Jehova, amu nĩ wega mũno anjĩkĩte.