Psalms 41

¹GŨKENA-RĨ, nĩ ũrĩa ũcayagĩra mũndũ ũrĩa ũtarĩ hinya: o nake-rĩ, mũthenya wa ũũru, Jehova no akamũhatũra.

²Jehova nĩarĩkĩmũmenyagĩrĩra, amũtũũrie muoyo, aikare e mũrathime bũrũri-inĩ: wee-rĩ, ndũkanamũnenganĩre mwĩrirĩrio-inĩ wa thũ ciake.

³E kĩrumia-inĩ, arigoetio nĩ mũrimũ, Jehova nĩarĩmũtiiragĩrĩra: wee-rĩ, ũguo akomete arũarĩte nĩũmũgarũranagĩria, ũkamũhonia.

⁴Niĩ hakwa-ĩ, njugĩte ũũ: Ĩ Jehova, nginyĩria wega waku; honia muoyo wakwa amu nĩngwĩhĩtie.

⁵Thũ ciakwa nĩcinjaragĩrĩra ikĩũragia atĩrĩ, Arĩgĩkua rĩ, rĩĩtwa rĩake rĩtome?

⁶Ũmwe wao oka kũndora, ekwaria o ũhoro ũrĩa ũtarĩ guo; ngoro yake no gũthũmba ĩrethũmbĩra waganu: aacoka kuumagara, nĩguo athiaga kũũmemerekia.

⁷Andũ acio othe a’thũũri nĩ kũheehana maheehanaga nĩ ũndũ wakwa; ũũru nĩguo niĩ ma’thugundagĩra.

⁸Arĩ na ng’ũki ũmwĩgwatĩrĩire, nĩguo moigaga; ũguo akomete-rĩ, ndarĩ hĩndĩ arĩcoka gũũkĩra.

⁹Ĩĩ, onake mũrata wakwa ũrĩa mũnene, ũrĩa ndĩrehokete, ũrĩa ũrarĩaga irio ciakwa, nĩanjikĩtie rũhaati.

¹⁰No wee, Jehova, nginyĩria wega waku, ũnamũkie, nĩ getha ngakĩmathukĩre.

¹¹Ũhoro ũyũ nĩguo ũtũmĩte ’menye atĩ nĩwĩkenagĩra nĩ niĩ, atĩrĩ, atĩ thũ yakwa ndĩngĩtuĩka ya kũndũhĩria.

¹²Niĩ-rĩ, tondũ wa wagĩrĩru wa ngoro yakwa, nĩũ’nyitĩrĩire, na ũkanjiga mbere-inĩ ya ũthiũ waku, njikarage ho mĩndĩ na mĩndĩ.

¹³Jehova, o we Ngai wa Isiraeli, arogathagwo, kuuma o tene na tene, na nginya o tene na tene. Amen, na ningĩ, Amen.