1 John 1

¹Ore ilo Rorei le nkishui otii apake te nkiterunoto, ilo likitoning'o iyiook, nikitoduaa too nkonyek ang, niking'ura nikimbung'a too nkaik ang,

²ina kishui naibalunyeki, nikitoduaa iyiook, naa ina kinchakenoo aajoki intae nchere ina kishui oo ntarasi natii apake te nebo Papa, neibalakinyeki iyiook.

³Ilo likitoduaa nikitoning'o kinosaki sii ninche intae pee itumutumu enchula te nebo iyiook; naa ene Papa enchula ang te nebo Oinoti lenye Yesu Kristo.

⁴Nikinger ena pee elulung'ayu eng'ida ang.

⁵Olkilikuai ele laa ninye kitoning'o te Kristo Yesu kinosaki intae nchere, ewang'an Enkai nemetii enaimin atua ninye katukul.

⁶Ti nikijo kiaata o ninye enchula neton ake kipuo te naimin, eikilejisho neme sipat kinchuyie;

⁷kake ti nikitii iyiook ewang'an, anaa pee etii ninye ewang'an, nikiata enchula olikae o likae, neituku iyiook osarge le Yesu Kristo, Oinoti lenye aoru iyiook ing'ok pooki.

⁸Ti nikijo mikiata iyiook ing'ok naa ate kilej, nemetii esipata atua iyiook.

⁹Ti nikirridu ing'ok ang te Nkai naa keisiligayu ninye naa asipani, naa kepalaki ninye iyiook ing'ok ang neituku ntorrok ang pooki.

¹⁰Ti nikijo eitu kias ing'ok, ninye kintaa olalejani, nemetii ororei lenye atua iyiook.