Matthew 1

¹Toorri hidda dhaloota Yesus Kristos sanyii Daawit, sanyii Abrahaam isa kana.

²Abrahaam Yisihaqin dhalche; Yisihaq Yaaqoobin dhalche; Yaaqoob Yihudaa fi obboloota Yihudaa dhalche.

³Yihudaan Taamaar irraa Faaresii fi Zaaraan dhalche; Faares Hesromin dhalche; Hesrom Aaramin dhalche.

⁴Aaram Aminaadaabin dhalche; Aminaadaab Nahasonin dhalche; Nahason Salmoonin dhalche.

⁵Salmoon Rahaab irraa Boazin dhalche; Boaz Ruut irraa Yoobeedin dhalche; Yoobeed Iseyin dhalche.

⁶Isey Daawit mooticha dhalche; Daawit haadha manaa Uriiyaa irraa Solomoonin dhalche;

⁷Solomoon Rehobiyaamin dhalche; Rehobiyaam Abiiyaa dhalche; Abiiyaan Asaafin dhalche;

⁸Asaaf Yosaafaaxin dhalche; Yosaafaax Yooraamin dhalche; Yooraam Oziyaasin dhalche;

⁹Oziyaas Yoataamin dhalche; Yoataam Akaazin dhalche; Akaaz Hizqiyaasin dhalche.

¹⁰Hizqiyaas Minaaseen dhalche; Minaasee Amosin dhalche; Amos Yosiyaasin dhalche.

¹¹Yosiyaas bara sabni Israa'el biyya Baabilonitti booji'amanitti Yekoniyaasii fi obboloota Yekoniyaas dhalche.

¹²Sabni Israa'el biyya Baabilonitti erga booji'amanii booddee Yekoniyaas Salaatiyelin dhalche; Salaatiyel Zarubaabelin dhalche.

¹³Zarubaabel Abiyuudin dhalche; Abiyuud Eliyaaqimin dhalche; Eliyaaqim Azorin dhalche;

¹⁴Azor Zaadoqin dhalche; Zaadoq Akiimin dhalche; Akiim Eliyudin dhalche.

¹⁵Eliyud Eleazaarin dhalche; Eleazaar Maattaanin dhalche; Maattaan Yaaqoobin dhalche;

¹⁶Yaaqoob Yoseefin dhalche; Yoseef kun kaadhima Maariyaam; isheen immoo Yesusin isa ?Kristosicha? jedhamee moggaafame deesse.

¹⁷Dhaloonni kun hundinuu Abrahaamii hamma Daawititti dhaloota kudha afur, Daawitii hamma bara sabni Israa'el biyya Baabilonitti booji'amaniitti dhaloota kudha afur, bara biyya Baabilonitti booji'amanii hamma Kristositti dhaloota kudha afur turan.

¹⁸Dhalachuun Yesus Kristos akka kanatti fufee jiru ture; Maariyaam haati isaa Yoseefiif kaadhimatamtee turte; isheen Yoseefii wajjin utuu wal bira hin ga'in, hafuura qulqulluudhaan ulfooftee argamte.

¹⁹Yoseef inni ishee kaadhimates nama jireenya qajeelaa jiraatu waan tureef, dhoksaatti ishee dhiisuudhaaf murtoo godhe malee, immata duratti ishee yeellaasisuu hin barbaanne.

²⁰Utuu Yoseef kana yaadaa jiruu, kunoo ergamaan gooftaa abjuutti itti mul'atee, ?Yaa Yoseef ilma Daawit, Maariyaam kaadhimni kee hafuura qulqulluudhaan waan ulfoofteef, ishee of biratti fudhachuu hin sodaatin!

²¹Isheen ilma in deessi; atis maqaa isaa ?Yesus? jettee in moggaafta, inni ofii isaatii saba isaa cubbuu isaaniittii isaan in fayyisa? jedheen.

²²Kun hundinuu inni Waaqayyo gooftaan afaan raajichaatiin dubbate akka raawwatamuuf ta'e.

²³Innoo, ?Kunoo durbi in ulfoofti ilmas in deessi, maqaa isaas ?Amaanu'el? jedhanii in moggaasu? jedhe; ?Amaanu'el? jechuun ?Waaqayyo nuu wajjin jira? jechuu dha.

²⁴Yoseef hirribaa dammaqee, akkuma ergamaan gooftaa isa abboometti kaadhima isaa of biratti in fudhate.

²⁵Haa ta'u iyyuu malee, inni hamma isheen ilma ishee deessutti ishee hin barre; mucicha immoo, ?Yesus? jedhee in moggaase.