Işaýa 10

¹Adalatsyz parzlary çykarýanlaryň, dat gününe zorluk permanyny ýazýanlaryň!

²Ejizleriň hakyny iýýärsiňiz, ýoksullary adalatdan mahrum edýärsiňiz, dul hatynlary awlaýarsyňyz, ýetimler oljaňyz bolýar.

³Jeza güni, uzakdan betbagtçylyk gelende, näme ederkäňiz? Kimden kömek sorarkaňyz, Nireden jaý taparkaňyz baýlygyňyza?

⁴Ýesirleriň arasynda dyza çökmekden, Jesetlere büdräp ýykylmakdan gaýry çäräňiz bolmaz siziň. Barybir sönmändi Rebbiň gazaby, jeza bermäge taýyndyr. Henizem Onuň eli. Hudaýyň Aşur baradaky hökümi

⁵Dat günüňe, Aşur! Ol gaharymyň hasasydyr! Elindäki taýagydyr gazabym!

⁶Ony hudaýsyz milletiň garşysyna, gazaplanan halkymyň garşysyna iberýärin, oňa talamagy, talanyny olja almagy, olary köçeleriň palçygy kimin aýak astyna almagy buýurdym.

⁷Emma Aşur patyşasy beýle niýet edenok, beýle pikir etmeýär ol; ýüreginde köp milletleri gyrmak, köki-damary bilen ýok etmek küýündedir onuň.

⁸Ol şeýle diýýär: «Leşgerbaşylarymyň ählisi patyşa dälmi näme?

⁹Kalno şäheri Karkemiş kimin dälmi? Arpat kimin dälmi Hamat? Samarýa Damask kimin dälmi?

¹⁰Iýerusalim bilen Samarýanyňkydan-da beýik oýma butlary bolan butparaz patyşalyklary ele salşym ýaly,

¹¹Samarýa we onuň butlaryna edişim ýaly, Iýerusalime we onuň butlaryna-da şeýle ederin».

¹²Reb Siýon dagynda we Iýerusalimde ähli işini gutaranda şeýle diýer: «Aşur patyşasyny tekepbir ýüregine, gedem bakyşyna görä jezalandyraryn».

¹³Çünki Aşur patyşasy şeýle diýýär: «Muny öz elimiň güýji bilen, Öz paýhasym bilen gazandym, Men paýhaslydyryn. Milletleriň serhetlerini aýyrdym, olaryň hazynalaryny taladym, tagtyndan agdardym güýçli şalary.

¹⁴Milletleriň baýlygyny tapdy elim, höwürtge tapan ýaly; terk edilen ýumurtgalaryň ýygnalyşy kimin, bütin dünýäni ýygnadym. Ganat kakyp, agzyny açyp, ses çykaran bolmady».

¹⁵Palta özüni işledýäniň ýanynda öwünermi? Byçgy özüni ulanýandan beýgeldermi özüni? Özüni göterýäni göterermi taýak? Özüni galdyrýany galdyrarmy hasa?

¹⁶Munuň üçin Hökmürowan Taňry Reb, Aşuryň semizlerine horluk ýollar, Onuň şöhratynyň astynda ot ýalyny tutaşar.

¹⁷Ysraýylyň Nury ot, onuň Mukaddesi ýalyn bolar, ýalyn onuň tikenleridir çalylaryny bir günde ýakyp-ýandyrar.

¹⁸Gözel tokaýlarydyr, mes toprakly ýerlerini bütinleý ýok eder Reb, heläk bolar agyr derde ýolugan adam deý.

¹⁹Tokaýlarynda galan agaçlar şeýle az welin, çaga-da sanap, ýazyp biler olary.

²⁰Şol gün Ysraýylyň aman galanlary we Ýakubyň nesilleriniň halas bolanlary mundan beýläk özlerine jeza berýäne däl-de, eýsem tüýs ýürekden Ysraýylyň Mukaddesine bil baglarlar.

²¹Aman galanlar, Ýakubyň aman galanlary gudratly Hudaýa dolanarlar.

²²Halkyň Ysraýyl deňiz ýakasyndaky çäge deý köp bolsa-da, diňe onuň aman galanlary Hudaýa dolanarlar. Karar edilen heläkçilik dogrulyk bilen amala aşyrylar.

²³Taňry Hökmürowan Reb höküm edişi ýaly, bütin ýer ýüzünde heläkçiligi amala aşyrar.

²⁴Şonuň üçin Taňry Hökmürowan Reb şeýle diýýär: «Eý, Meniň Siýonda ýaşaýan halkym! Müsürliler kimin size garşy hasasyny galdyryp, taýak bilen uranda, siz aşurlylardan gorkmaň.

²⁵Ine, biraz wagtdan gaharym ýatyşar, gazabym aşurlylary heläk etmäge gönüger.

²⁶Orep gaýasynda midýanlary weýran edişi kimin, Hökmürowan Reb olara garşy gamçy galdyrar. Hasasyny Müsürde ýokary galdyryşy kimin deňziň üstüne uzadar.

²⁷Şol gün aşurlylaryň ýüki siziň gerşiňizden, boýuntyrygy siziň boýnuňyzdan aýrylar; semizligiňizden ýaňa boýuntyryk döwler».

²⁸Aýat şäherine gelýärler olar, Migrondan geçýärler, Mikmaşda ýüklerini goýýarlar.

²⁹Geçelgeden geçýärler olar, Gebada bir gije düşleýärler, Rama şäheri lerzana gelýär, Şawulyň Gibga şäheriniň ilaty gaçýar.

³⁰Bar sesiňe gygyr, eý, Gallym gyzy! Gulak goý, eý, Laýşa! Eý, görgüli Anatot!

³¹Madmena gaçyp gidýär, Gebimiň ilaty pena agtarýar.

³²Bu gün duşmanlar Nobda galarlar, Siýon gyzynyň dagyna, Iýerusalimiň depesine ýumruk çenär.

³³Ine, Hökmürowan Taňry Reb gudratly güýji bilen keser şahalary, Iň beýik agaçlar çapylar, belentlikleri ýere ýazylar.

³⁴Tokaýyň gür ýerlerini palta bilen çapar, Liwan Gudratly Bolanyň öňünde ýykylar.