Ýeşuwa 15

¹Bije atyşykda ýahuda tiresiniň uruglarynyň paýyna şu aşakdaky ýerler düşdi: günortada olaryň meýdany Edomyň araçägi bilen ne, günorta Sin çöllügine çenli baryp ýetýär.

²Olaryň günorta araçägi uzalyp gidýän günortadaky aýlaglardan, Duz deňziniň gutarýan ýerinden başlanýar.

³Soňra ol günorta Içýan geçidine tarap dowam edip, Sin çölünden geçýär. Kadeşbarneýanyň günortasyndan Hesrona we Addara çykyp, ol ýerden Karka tarap öwrülýär.

⁴Soňra Azmondan geçip, Müsür derýasyna çenli uzalyp gidýär we Ortaýer deňzinde serhet gutarýar. Bu olaryň günorta araçägi bolar.

⁵Ýahuda tiresiniň gündogar araçägi Duz deňzi bolupdyr. Bu gündogar araçäk demirgazyga tarap Iordan derýasynyň Duz deňzine guýýan ýerine çenli uzalyp gidýär. Demirgazykdaky araçäk Iordanyň deňze guýýan ýerinden, deňiz aýlagyndan başlanýar.

⁶Bu ýerden araçäk Beýthogla çenli baryp, demirgazykda Beýtarabadan geçýär we Ruben ogly Bohanyň ady dakylan daşa çenli gidýär.

⁷Soňra araçäk Akor jülgesinden Debire çenli ýokary galyp, demirgazykda akymyň günortasynda ýerleşýän Adummym baýyrlyklarynyň garşysyndaky Gilgala tarap öwrülýär. Araçäk bu ýerden Eýnşemeş çeşmesine çenli dowam edip, Eýnrogele ýetýär.

⁸Bu ýerden araçäk ýabuslaryň galasy Iýerusalimde ýerleşýän düzlügiň günortasyndaky Benhinnom deresinden ýokary galýar. Soňra ol Benhinnom deresiniň günbatarynyň garşysyndaky daglaryň depesine çenli galyp, demirgazykdaky Rapa jülgesiniň ahyryna çenli barýar.

⁹Daglaryň gerşinden araçäk Neptowa çeşmesiniň gözbaşyna tarap aýlanýar. Ol ýerden hem Epron daglygyndaky galalara tarap gelýär. Soňra ol Bagala (bu Kirýategarym) tarap aşak düşýär.

¹⁰Soňra serhet günbatar Bagaladan Segir dagyna tarap aýlanýar, demirgazykda Kesalon galanyň Ýegarym daglaryna çenli gidip, Beýtşemeşe tarap öwrülýär we Timnanyň üsti bilen aýlanyp geçýär.

¹¹Ol ýerden Ekronyň demirgazyk tarapyna gidýär we Şikarona tarap aýlanyp, Bagala dagynyň üsti bilen Ýabneýele gelýär. Iň soňunda araçäk Ortaýer deňzinde gutarýar.

¹²Ortaýer deňzi we onuň kenarlary günbatar araçägi emele getirýär. Ýahuda tiresiniň uruglarynyň ähli taraplaýyn araçägi, ine, şudur.

¹³Rebbiň buýruşy ýaly, Ýeşuwa ýahudalaryň ýeriniň bir bölegini şol tireden bolan Ýepunneniň ogly Kalebe berdi. Kalep Kirýatarbany, ýagny Hebrony aldy (Arba Anagyň atasydy).

¹⁴Kalep ol ýerden Anagyň üç ogluny: Şeşaýy, Ahymany we Talmaýy çykaryp kowdy. Bular Anagyň nesilleridir.

¹⁵Bu ýerden ol Debiriň ilaty bilen uruşmaga gitdi. Debire öň Kirýatseper diýilýärdi.

¹⁶Kalep: «Ýeňiş gazanyp, Kirýatseperi basyp alana, gyzym Aksany gelin edip berjek» diýdi.

¹⁷Bu galany Kalebiň inisi, Kenazyň ogly Otniýel basyp aldy. Şeýlelikde, Kalep öz gyzy Aksany oňa berdi.

¹⁸Toý güni Aksa öz kakasynyň ýanyna gidip, ondan ýer dilemek üçin Otniýelden razylyk aldy. Aksa baryp, eşeginden düşende, Kalep ondan: «Gyzym, näme dilegiň bar?» diýip sorady.

¹⁹Aksa kakasyna: «Maňa peşgeş bersene. Sen maňa Negep çölüniň gurak ýerlerini berdiň, maňa suw bulaklaryny-da beräý!» diýdi. Şunlukda, Kalep ýokarky we aşaky çeşmeleri hem oňa bagyş etdi.

²⁰Ine, ýahuda tiresi öz uruglaryna görä şu ýerleri mülk edip aldylar:

²¹Edomyň araçäginiň golaýyndaky günorta Negep çölünde olara şu galalar degişlidir: Kabseýel, Eder, Ýagur,

²²Kina, Dimona, Adada,

²³Kedeş, Hasor, Ýytnan,

²⁴Zip, Telem, Begalot,

²⁵Hasorhadat, Kirýothesron (bu Hasor),

²⁶Amam, Şema, Molada,

²⁷Hasargada, Heşmon, Beýtpelet,

²⁸Hasarşugal, Beýerşeba, Bizýotiýa,

²⁹Bagala, Iýim, Esem,

³⁰Eltolat, Kesil, Horma,

³¹Ziklag, Madmanna we Sansanna,

³²Lewawot, Şilhim, Aýyn we Rimmon: olaryň obalary bilen bile jemi ýigrimi dokuz gala.

³³Günbatar baýyrlyklarda: Eştawol, Sorga, Aşna,

³⁴Zanowa, Eýngannym, Tapuwa, Eýnam,

³⁵Ýarmut, Adullam, Soko, Azeka,

³⁶Şagaraýym, Adytaýym, Gedera, Gederotaýym: obalary bilen bile jemi on dört gala.

³⁷Senan, Hadaşa, Migdalgat,

³⁸Dilegan, Mispe, Ýokteýel,

³⁹Lakyş, Boskat, Eglon,

⁴⁰Kabbon, Lahmas, Kitliş,

⁴¹Gederot, Beýtdagon, Nagama, Makeda. Bular obalary bilen bile on alty galadyr.

⁴²Libna, Eter, Aşan,

⁴³Ýeftah, Aşna, Nesiw,

⁴⁴Kegila, Akzyp, Mareşa: obalary bilen bile dokuz galadyr.

⁴⁵Ekron galasy we onuň ownukly-irili obalary.

⁴⁶Aşdodyň golaýyndaky ähli galalar we obalar, Ekrondan Ortaýer deňzine çenli,

⁴⁷Aşdot galasy we onuň ownukly-irili obalary, Gaza galasy we onuň ownukly-irili obalary bilen Müsür derýasyna we Ortaýer deňziniň kenarlaryna çenli.

⁴⁸Daglyklarda: Şamyr, Ýatyr, Soko,

⁴⁹Danna, Kirýatsanna (bu Debir),

⁵⁰Anap, Eştemo, Anym,

⁵¹Goşen, Holon, Gilo – obalary bilen bile jemi on bir gala;

⁵²Araw, Duma, Eşgan,

⁵³Ýanum, Beýtapuwa, Apeka,

⁵⁴Humta, Kirýatarba (bu Hebron) we Sigor: obalary bilen bile dokuz gala;

⁵⁵Magon, Karmel, Zip, Ýuta,

⁵⁶Ýizregel, Ýokdegam, Zanowa,

⁵⁷Kaýyn, Gibga, Timna: obalary bilen bile on gala;

⁵⁸Halhul, Beýtsur, Gedor,

⁵⁹Magarat, Beýtanot, Eltekon – obalary bilen bile jemi alty gala;

⁶⁰Kirýatbagal (bu Kirýategarym) we Raba: obalary bilen bile iki gala;

⁶¹Çöllükde: Beýtaraba, Midin, Sekaka,

⁶²Nibşan, Duz galasy, Eýngedi – obalary bilen bile jemi alty gala.

⁶³Ýahudalar Iýerusalimde ýaşaýan ýabuslary kowup çykaryp bilmediler. Ýabuslar bu günki gün hem ol ýerde ýahudalar bilen bile ýaşaýarlar.