Nehemýa 7

¹Ine, diwar örülip, gapylar ýerine oturdyldy, derwezebanlar, aýdymçylar, lewiler bellendi.

²Onsoň men doganym Hanany bilen galanyň serkerdesi Hananýany Iýerusalime häkim edip belledim. Çünki ol ynamdar adam bolup, köplere garanda, Hudaýdan has gaty gorkýardy.

³Men olara şeýle tabşyryk berdim: «Gün gyzýança, Iýerusalimiň derwezeleri açylmasyn. Gün ýaşan çagy, entek derwezebanlar nobatçylykdan gitmänkäler, gapylary gulplasynlar. Iýerusalimiň ilatyndan garawullar goýuň; olaryň käbiri öz goramaly ýerlerinde we beýlekileri bolsa öz öýleriniň öňünde bolsunlar».

⁴Şäher giň hem uludy, emma onuň içindäki ilat welin azdy, jaýlar salynmandy.

⁵Onsoň nesilleri boýunça hasaba almak üçin begleri, baştutanlary we halky üýşürmegi Hudaýym ýüregime saldy. Men ýesirlikden ilkinji dolanyp gelenleriň nesilleri bilen geçirilen ilat ýazuwyny gözläp tapdym. Onda şular ýazylandy:

⁶Babyl patyşasy Nebukadnesar tarapyndan ýesir alnyp, Babyla sürgün edilenleriň nesillerinden Iýerusalimdäki we Ýahudadaky öz galalaryna gaýdyp gelenleri, ine, şulardy:

⁷Zerubabyl, Ýeşuwa, Nehemýa, Azarýa, Ragamýa, Nahamany, Mordekaý, Bilşan, Misperet, Bigwaý, Nehum we Bagana dagy bilen geldiler. Ysraýyl halkynyň erkek adamlarynyň sany:

⁸Paroşyň nesilleri: iki müň bir ýüz ýetmiş iki adam;

⁹Şepatýanyň nesilleri: üç ýüz ýetmiş iki adam;

¹⁰Aranyň nesilleri: alty ýüz elli iki adam;

¹¹Ýeşuwanyň we Ýowabyň neslinden – Pahatmowabyň nesilleri: iki müň sekiz ýüz on sekiz adam;

¹²Eýlamyň nesilleri: bir müň iki ýüz elli dört adam;

¹³Zatunyň nesilleri: sekiz ýüz kyrk bäş adam;

¹⁴Zakaýyň nesilleri: ýedi ýüz altmyş adam;

¹⁵Binnuýyň nesilleri: alty ýüz kyrk sekiz adam;

¹⁶Bebaýyň nesilleri: alty ýüz ýigrimi sekiz adam;

¹⁷Azgadyň nesilleri: iki müň üç ýüz ýigrimi iki adam;

¹⁸Adonykamyň nesilleri: alty ýüz altmyş ýedi adam;

¹⁹Bigwaýyň nesilleri: iki müň altmyş ýedi adam;

²⁰Adiniň nesilleri: alty ýüz altmyş bäş adam;

²¹Ateriň, ýagny Hizkiýanyň nesilleri: togsan sekiz adam;

²²Haşumyň nesilleri: üç ýüz ýigrimi sekiz adam;

²³Bezaýyň nesilleri: üç ýüz ýigrimi dört adam;

²⁴Harybyň nesilleri: bir ýüz on iki adam;

²⁵Gibgonyň nesilleri: togsan bäş adam;

²⁶Beýtullahamyň we Netopanyň ýaşaýjylary: bir ýüz segsen sekiz adam;

²⁷Anotodyň ýaşaýjylary: bir ýüz ýigrimi sekiz adam;

²⁸Beýtazmawediň ýaşaýjylary: kyrk iki adam;

²⁹Kirýat Ýegarymyň, Kepiranyň we Beýerodyň ýaşaýjylary: ýedi ýüz kyrk üç adam;

³⁰Ramanyň we Gebanyň ýaşaýjylary: alty ýüz ýigrimi bir adam;

³¹Mikmaşyň ýaşaýjylary: bir ýüz ýigrimi iki adam;

³²Beýteliň we Aýyň ýaşaýjylary: bir ýüz ýigrimi üç adam;

³³Beýleki Nebonyň ýaşaýjylary: elli iki adam;

³⁴Beýleki Eýlamyň nesilleri: bir müň iki ýüz elli dört adam;

³⁵Harymyň nesilleri: üç ýüz ýigrimi adam;

³⁶Ýerihonyň nesilleri: üç ýüz kyrk bäş adam;

³⁷Loduň, Hadydyň we Ononyň nesilleri: ýedi ýüz ýigrimi bir adam;

³⁸Senanyň nesilleri: üç müň dokuz ýüz otuz adam.

³⁹Ruhanylar: Ýeşuwanyň kowmundan Ýedagýanyň nesilleri: jemi dokuz ýüz ýetmiş üç adam;

⁴⁰Immeriň nesilleri: bir müň elli iki adam;

⁴¹Paşhuryň nesilleri: bir müň iki ýüz kyrk ýedi adam;

⁴²Harymyň nesilleri: bir müň on ýedi adam;

⁴³lewiler: Hodawýanyň nesilleri, ýagny Ýeşuwanyň we Kadmyýeliň nesilleri: ýetmiş dört adam;

⁴⁴aýdymçylar: Asafyň nesilleri bir ýüz kyrk sekiz adam;

⁴⁵derwezebanlar: Şallumyň, Ateriň, Talmonyň, Akubyň, Hatytanyň, Şobaýyň nesilleri: bir ýüz otuz sekiz adam;

⁴⁶ybadathana hyzmatkärleri: Sihanyň, Hasupanyň, Tabagotyň,

⁴⁷Kerosyň, Siganyň, Padonyň,

⁴⁸Lebananyň, Hagabanyň, Şalmaýyň,

⁴⁹Hananyň, Gideliň, Gaharyň,

⁵⁰Reýaýanyň, Resiniň, Nekodanyň,

⁵¹Gazamyň, Uzanyň, Paseýanyň,

⁵²Besaýyň, Megunymyň, Nepuşesimiň,

⁵³Bakbugyň, Hakupanyň, Harhuryň,

⁵⁴Baslutyň, Mehidanyň, Harşanyň,

⁵⁵Barkosyň, Siseranyň, Temanyň,

⁵⁶Nesiýanyň, Hatypanyň nesilleri;

⁵⁷Süleýmanyň hyzmatkärleriniň nesillerinden: Sotaýyň, Soperetiň, Peridanyň,

⁵⁸Ýaglanyň, Darkonyň, Gideliň,

⁵⁹Şepatýanyň, Hatylyň, Pokeret-Hasebaýymyň we Amonyň nesilleri.

⁶⁰Ähli ybadathana hyzmatkärleriniň we Süleýmanyň hyzmatkärleriniň nesilleriniň jemi üç ýüz togsan iki adam boldy.

⁶¹Telmeladan, Telharşadan, Kerupdan, Adondan we Immerden çykanlar, ýöne öz uruglaryny, öz aslyny ýa-da özleriniň Ysraýyla degişlidiklerini subut edip bilmedikler şulardy:

⁶²Delaýanyň, Tobyýanyň we Nekodanyň nesilleri: alty ýüz kyrk iki adam;

⁶³şeýle hem ruhanylardan: Hobaýanyň nesilleri, Hakosyň nesilleri we gilgatly Barzyllaýyň gyzlaryndan aýal alyp, olaryň ady bilen atlandyrylan Barzyllaýyň nesilleri.

⁶⁴Bular öz ýazgylaryny nesilleri boýunça hasaba alnanlaryň arasyndan gözlediler, emma tapyp bilmediler. Şonuň üçinem olar galp ruhanylar hökmünde ruhanylykdan çykaryldylar.

⁶⁵Häkim olara Urymy we Tummymy ulanyp bilýän ruhany gelýänçä, iň mukaddes nahardan iýmezligi tabşyrdy.

⁶⁶–67 Ýedi müň üç ýüz otuz ýedi aýaldyr erkek hyzmatkärleri hem-de iki ýüz kyrk bäş erkek we aýal aýdymçylary hasap etmäniňde, ähli halkyň sany kyrk iki müň üç ýüz altmyşdy.

⁶⁸–69 Olaryň dört ýüz otuz bäş düýesi we alty müň ýedi ýüz ýigrimi sany-da eşegi bardy.

⁷⁰Käbir urugbaşylar iş üçin peşgeşler berdiler. Häkim hazyna ýigrimi gadak töweregi altyn, elli legen, bäş ýüz otuz laý ruhany eşigini berdi.

⁷¹Käbir urugbaşylar bolsa gurluşyk gaznasyna sekiz ýarym batman töweregi altyn, altmyş bäş batman kümüş berdiler.

⁷²Halkyň galan böleginiň beren zatlary, sekiz ýarym batman töweregi altyn, elli sekiz batman kümüş we altmyş ýedi laý ruhany eşiginden ybarat boldy.

⁷³Ruhanylar, lewiler, halkyň käbiri, ybadathana derwezebanlary, aýdymçylary, hyzmatkärleri we bütin ysraýyl halky öz galalarynda ornaşdylar. Ýedinji aý gelende, ysraýyllaryň hemmesi öz galalaryndadylar.