گنتی 33

¹جب بنی اسرائیل موسیٰ اور ہارون کے ماتحت دَل باندھے ہوئے ملک مصر سے نکل کر چلے تو ذیل کی منزلوں پر انہوں نے قیام کیا

²اور موسیٰ نے ان کے سفر کا حال انکی منزلوں کے مطابق خداوند کے حکم سے قلم بند کیا سو ان کے سفر کی منزلیں یہ ییں

³پہلے مہینے کی پندرھویں تاریخ کو انہوں نے رعمیسس سے کوچ کیا فسح کے دوسرے دن بنی اسرائیل کے لوگ سب مصریوں کی آنکھوں کے سامنے بڑے فخر سے روانہ ہوئے

⁴اس وقت مصری اپنے پہلوٹھوں کو جنکو خداوند نے مارا تھا دفن کر رہےتھے خداوند نے ان کے دیوتاؤں کو بھی سزا دی تھی

⁵سو بنی اسرائیل نے رعمیسس سے کوچ کر کے سکات میں ڈیرے ڈالے

⁶اور سکات سے کوچ کرکے ایتام میں جو بیابان سے ملا ہوا ہے مقیم ہوئے

⁷پھر ایتام سے کوچ کر کے فی ہیخروت کو جو بعل صفون کے مقابل ہے مڑ گئے اور مجدال کے سامنے ڈیرے ڈالے

⁸پھر انہوں نے فی ہیخروت کے سامنے سے کوچ کیا اور سمندر کے بیچ سے گذر کر بیابان میں داخل ہوئے اور دشت ایتام میں تین دن کی راہ چل کر مارہ میں پڑاؤ کیا ۔

⁹اور مارہ سے کوچ کرکے ایلیم میں آئے اور ایلیم میں پانی کے بارہ اچشمے اور کجھور کے ستر درخت تھے سو انہوں نے یہیں ڈیرے ڈال لیے

¹⁰اور ایلیم سے کوچ کر کے انہوں نے بحر قلزم میں ڈیرے کھڑے کیے

¹¹اور بحر قلزم سے چل کر دشت صین میں خیمہ زن ہوئے

¹²اور دشت صین سے کوچ کر کے دفقہ میں ٹھہرے

¹³اور دفقہ سے روانہ ہو کر الوس میں مقیم ہوئے

¹⁴اور الوس سے چل کر رفیدیم میں ڈیرے ڈالے یہاں ان لوگوں کو پینےکے لیے پانی نہ ملا

¹⁵اور رفیدیم سے کوچ کر کے دشت سینا میں ٹھہرے

¹⁶اور دشت سیناہ سے چل کر قبروت ہتاوہ میں خیمے کھڑے کیے

¹⁷اور قبروت ہتاوہ سے کوچ کر کے حصیرات میں ڈیرے ڈالے

¹⁸حصیرات سے کوچ کر کے رتمہ میں ڈیرے ڈالے

¹⁹رتمہ سے روانہ ہو کر رمون فارص میں خیمے کھڑے کیے

²⁰رمون فارص سے جو چلے تو لبناہ میں جا کے مقیم ہوئے

²¹اور لبناہ سے کوچ کر کے ریسہ میں ڈیرے ڈالے

²²اور ریسہ سے چل کر قہیلاتہ میں ڈیرے کھڑے کیے

²³اور قہیلاتہ سے چل کر کوہ سافر میں ڈیرا کیا۔

²⁴کوہ سافت سے کوچ کر کے حرادہ میں میں خیمہ زن ہوئے۔

²⁵اور حرادا سے سفر کر کے مقہیلوت میں قیام کیا

²⁶مقہیلوت سے روانہ ہو کر تخت میں خیمے کھڑے کیے

²⁷تخت سے جو چلے تو تارح میں آ کر ڈیرے ڈالے

²⁸اور تارح سے کوچ کر کے متقہ میں قیام کیا

²⁹اورمتقہ سے روانہ ہو کر حشمونہ میں ڈیرے ڈالے

³⁰اور حشمونہ سے چل کر موسیروت میں ڈیرے کھڑے کیے

³¹اور موسیروت سے روانہ ہوکر بنی یعقان میں ڈیرے ڈالے

³²اور بنی یعقان سے چل کر حور ہجدجاد میں خیمہ زن ہوئے

³³اور حور ہجدجاد سے روانہ ہو کر یوطباتہ میں خیمے کھڑے کیے

³⁴اور یوطباتہ سے چل کر عبرونہ میں ڈیرے ڈالے

³⁵اور عبرونہ سے چل کر عیصون جابر میں ڈیرا کیا

³⁶اور عیصون جابر سے روانہ ہو کر دشت صین جو قادس ہے قیام کیا

³⁷اور قادس سے چل کر کو ہور کے پاس جو ملک ادوم کی سرحد ہے خیمہ زن ہوئے

³⁸یہاں ہارون کاہن خداوند کے حکم سے کوہ ہو ر پر چڑھ گیا اور اس نے بنی اسرائیل کے ملک مصر سے نلکنے کے چالیسویں بر س کے پانچویں مہینےکی پہلی تاریخ کو وہیں وفات پائی

³⁹اور جب ہارون نے کوہ ہور پر وفات پائی تو وہ ایک سو تیئس برس کا تھا

⁴⁰اور عراد کے کنعانی بادشاہ کوجو ملک کنعان کے جنوب میں رہتا تھا بنی اسرائیل کی آمد کی خبر ملی

⁴¹اور اسرائیل کو کوہ ہور سے کوچ کرکے ضلومونہ میں ٹھہرے

⁴²ضلمونہ سے کوچ کر کے فونون میں ڈیرے ڈالے

⁴³اور فونون سے کوچ کر کے ابوت میں قیام کیا

⁴⁴اور ابوت سے کوچ کرکے عی عباریم میں جو ملک موآب کی سرحد اپر ہے ڈیرےڈالے

⁴⁵اور عییم سے کوچ کرکے دیبون جد میں خیمہ زن ہوئے

⁴⁶اور دیبون سے کوچ کر کے عملون دبلہ تایم میں خیمے کھڑے کیے

⁴⁷اور عملون دبلہ تایم سے کوچ کر کے عباریم کے کوہستا ن میں جو نبو کے مقابل ہے ڈیرا ڈالا

⁴⁸اور عباریم کے کوہستان سے چل کر موآب کے میدانوں میں جو یریحو کے مقابل یردن کے کنارے واقع ہیں خیمہ زن ہوئے

⁴⁹اور یردن کے کنارے بیت یسیموت سے لیکر ابیل سطیم تک موآب کے میدانوں میں انہوں نے ڈیرے ڈالے

⁵⁰اورخداوند نے موآب کے میدانوں جو یریحو کے مقابل یردن کے کنارے واقع ہیں موسیٰ سے کہا کہ

⁵¹بنی اسرائیل سے یہ کہہ دے کہ جب تم یردن کو عبور کرکے ملک کنعان میں داخل ہو

⁵²تو تم اس ملک کے سب باشندوں کو وہاں سے نکال دینا اور انکے شبیہ دار پتھروں کو اور ان کے ڈھالے ہوئے بتوں کو توڑ ڈالنا اور ان کے سب اونچے مقاموں کو مسمار کر دینا

⁵³اور تم اس ملک پر قبضہ کر کے اس میں بسنا کیونکہ میں نے وہ ملک تم کو دیا ہے کہ تم اس کے مالک بنو

⁵⁴اور تم قرعہ ڈال کر اس ملک کو اپنے گھرانوں میں میراث کے طور پر بانٹ لینا جس خاندان میں زیادہ آدمی ہوں اس کو زیادہ اور جس میں تھوڑے ہوں اس کو کم میراث دینا اور جس آدمی کا قرعہ جس جگہ کے لیے نکلے وہی اس کو حصہ میں ملے تم اپنے آبائی قبائل کے مطابق اپنی میراث لینا

⁵⁵لیکن اگر تم اس ملک کے باشندوں کو اپنے آگےسے دور نہ کرو تو جنکو تم باقی رہنے دو گے وہ تمہاری آنکھوں میں خار اور تمہارے پہلوؤں میں کانٹے ہونگے اور اس ملک میں جہاں تم بسو گے تمکو دق کریں گے

⁵⁶اور آخر کو یوں ہو گا کہ جیسا میں نے ان کے ساتھ کرنے کا ارادہ کیا ویسا ہی تم سے کروں گا۔