UYoshuwa 12

¹Ngabo ke aba ookumkani belizwe, ababulawayo ngoonyana bakaSirayeli, balihlutha ilizwe labo phesheya kweYordan ngasempumalanga, bethabathela emlanjaneni oyiArnon, besa entabeni yeHermon, neArabha yonke ngasempumalanga:

²nguSihon ukumkani wama-Amori, obehleli eHeshbhon, elawula ethabathela eArohere engasemlanjaneni oyiArnon, naphakathi kwesihlambo, nasesiqingatheni seGiliyadi, wesa emlanjaneni oyiYabhoki, engumda woonyana baka-Amon;

³neArabha, wesa elwandle lwaseKidneroti ngasempumalanga, wesa elwandle lweArabha, uLwandle lweTyuwa ngasempumalanga, ngendlela yeBhete-yeshimoti; nasezantsi, phantsi kwamaxandeka asePisga.

⁴Bahlutha necala likaOgi ukumkani waseBhashan, owayesele kumaRafa, obehleli eAshtaroti nase-Edreyi,

⁵elawula entabeni yeHermon naseSaleka, nakwiBhashan yonke, wesa emdeni wamaGeshuri, namaMahakati, nesiqingatha seGiliyadi, umda kaSihon ukumkani waseHeshbhon.

⁶UMoses, umkhonzi kaYehova, noonyana bakaSirayeli bababulala abo. UMoses, umkhonzi kaYehova, walinika lamiwa ngamaRubhen, nangamaGadi, nesiqingatha sesiwe sakwaManase.

⁷Ngabo aba ookumkani belizwe, awababulalayo uYoshuwa noonyana bakaSirayeli nganeno kwaYordan ngasentshonalanga, ethabathela eBhahali-gadi entilini yeLebhanon, wesa ezintabeni ezimkhuthuka, ezinyukayo ziye kwaSehire; uYoshuwa walinika izizwe zakwaSirayeli, zema kulo ngokweentlantlu zazo,

⁸ezintabeni, nasezihlanjeni, naseArabha, nasemaxandekeni, nasentlango, nakwelasezantsi: amaHeti, nama-Amori, namaKanan, namaPerizi, namaHivi, namaYebhusi:

⁹ngukumkani waseYeriko, emnye; ngukumkani waseAyi, engecala leBheteli, emnye;

¹⁰ngukumkani waseYerusalem, emnye; ngekumkani waseHebron, emnye;

¹¹ngukumkani waseYarmuti, emnye; ngukumkani waseLakishe, emnye;

¹²ngukumkani wase-Eglon, emnye; ngukumkani waseGezera, emnye;

¹³ngukumkani waseDebhiri emnye; ngukumkani waseGedere, emnye;

¹⁴ngukumkani waseHorma, emnye;

¹⁵ngukumkani waseArade, emnye; ngukumkani waseLibhena, emnye; ngukumkani waseAdulam, emnye;

¹⁶ngukumkani waseMakeda, emnye; ngukumkani waseBheteli, emnye;

¹⁷ngukumkani waseTapuwa, emnye; ngukumkani waweHefere, emnye;

¹⁸ngukumkani waseAfeki, emnye; ngekumkani waseLasharon, emnye;

¹⁹ngukumkani waseMadon, emnye; ngukumkani waseHatsore, emnye;

²⁰ngukumkani waseShimron-merom, emnye; ngukumkani waseAkeshafi, emnye;

²¹ngukumkani waseTahanaki, emnye; ngukumkani waseMegido, emnye;

²²ngukumkani waseKedeshe, emnye; ngukumkani waseYokeneham eKarmele, emnye;

²³ngukumkani waseDore ezindulini zeDore, emnye; ngukumkani wamaGoyi eGiligali, emnye;

²⁴ngukumkani waseTirtsa, emnye. Bonke ookumkani abo ngamashumi omathathu anamnye.