UNehemiya 10

¹Abo ke bawutywinayo: nguNehemiya irhuluneli, unyana kaHakaliya, noZedekiya,

²noSeraya, noAzariya, noYeremiya,

³noPashure, noAmariya, noMalekiya,

⁴noHatushe, noShebhaniya, noMaluki,

⁵noHarim, noMeremoti, no-Obhadiya,

⁶noDaniyeli, noGineton, noBharuki,

⁷noMeshulam, noAbhiya, noMiyamin,

⁸noMahazeya, noBhilegayi, noShemaya; abo ngababingeleli.

⁹AbaLevi: nguYeshuwa unyana ka-Azaniya, noBhinwi koonyana bakaHenadade, noKademiyeli.

¹⁰Nabazalwana babo: nguShebhaniya, noHodiya, noKelita, noPelaya, noHanan,

¹¹noMika, noRehobhi, noHashabhiya,

¹²noZakure, noSherebhiya, noShebhaniya,

¹³noHodiya, noBhani, noBheninu.

¹⁴Iintloko zabantu: nguParoshe, noPahati wakwaMowabhi, noElam, noZatu, noBhani,

¹⁵noBhuni, noAzegadi, noBhebhayi,

¹⁶noAdoniya, noBhigvayi, noAdin,

¹⁷noAtere, noHezekiya, noAzure,

¹⁸noHodiya, noHashum, noBhetsayi,

¹⁹noHarifi, noAnatoti, noNebhayi,

²⁰noMagepihashe, noMeshulam, noHezire,

²¹noMeshezabheli, noTsadoki, noYaduwa,

²²noPelatiya, noHanan, noAnaya,

²³noHosheya, noHananiya, noHashubhi,

²⁴noHaloheshe, noPileha, noShobheki,

²⁵noRehum, noHashabena, noMahaseya,

²⁶noAhiya, noHanan, noAnan,

²⁷noMaluki, noHarim, noBhahana.

²⁸Abanye abantu, ababingeleli, nabaLevi, nabamasango, neemvumi, nabakhonzi betempile, nabo bonke ababezahlule kwizizwe zamazwe, beza emyalelweni kaThixo; abafazi babo, noonyana babo, neentombi zabo, bonke abasebenokwazi nokuqonda.

²⁹Babambelela kubazalwana babo, iingangamsha zabo, bangena esiqalekisweni nasesifungweni sokuhamba ngomyalelo kaThixo, owawiswa ngesandla sikaMoses umkhonzi kaThixo, nokuyigcina nokuyenza yonke imithetho kaYehova iNkosi yethu, namasiko akhe, nemimiselo yakhe:

³⁰singazendiseli iintombi zethu kwizizwe zeli lizwe, singabazekeli oonyana bethu iintombi zazo;

³¹sithi izizwe zeli lizwe ezizisa izinto zentengo, nengqolowa, nokuba yiyiphi, ngemini yesabatha, zithengisa, singathengi kuzo ngesabatha nangomhla ongcwele; siwuyeke ulale umnyaka wesixhenxe, nento ebolekiweyo sisandla nokuba sesikabani.

³²Sizimisele imithetho yokubeka phezu kwethu isahlulo sesithathu seshekele ngomnyaka, ngenxa yenkonzo yendlu kaThixo wethu:

³³ngenxa yezonka ezicwangcisiweyo, nomnikelo wokudla wamaxesha onke, nangenxa yedini elinyukayo lamaxesha onke, nelesabatha, nelokuthwasa kwenyanga, nangenxa yamaxesha amisiweyo, nangenxa yezinto ezingcwele, nangenxa yamadini ezono okucamagushela amaSirayeli, nomsebenzi wonke wendlu kaThixo wethu.

³⁴Sibawisele amaqashiso ngomsondezo weenkuni ababingeleli, nabaLevi, nabantu, ukuba ziziswe endlwini kaThixo wethu, ngokwezindlu zethu zooyise, ngamaxesha amisiweyo, iminyaka ngeminyaka, ukuba zibaswe esibingelelweni sikaYehova uThixo wethu, ngoko kubhaliweyo emyalelweni;

³⁵sizise iintlahlela zomhlaba wethu, neentlahlela zeziqhamo zonke zemithi yonke, iminyaka ngeminyaka, endlwini kaYehova;

³⁶nabamazibulo koonyana bethu nawemfuyo yethu, ngoko kubhaliweyo emyalelweni, namazibulo eenkomo zethu, nawempahla emfutshane, siwazise endlwini kaThixo wethu, kubabingeleli abalungiselelayo endlwini kaThixo wethu;

³⁷neentlahlela zemigrayo yethu, nemirhumo yethu, neziqhamo zemithi yonke, iwayini entsha, neoli, sizizise kubabingeleli emagumbini endlu kaThixo wethu; nezishumi zemihlaba yethu kubaLevi; bona abaLevi bazamkele izishumi emizini yonke esilima kuyo.

³⁸Umbingeleli unyana ka-Aron aze abekho nabaLevi, ekuzamkeleni kwabaLevi izishumi; bazinyuse abaLevi izishumi zezishumi ezo, bazizise endlwini kaThixo wethu, emagumbini endlu yobuncwane;

³⁹ngokuba oonyana bakaSirayeli noonyana bakaLevi baya kuzisa umrhumo wengqolowa, newayini entsha, neoli, emagumbini apho zikhona iimpahla ezingcwele, nababingeleli abalungiselelayo, nabamasango, neemvumi; indlu kaThixo wethu singayishiyi.