IiNdumiso 48

¹Ingoma. Umhobe. Eyoonyana babaKora. Mkhulu uYehova, engowokudunyiswa kunene Emzini kaThixo wethu, entabeni yakhe engcwele.

²Intle ukuphakama kwayo, yimihlali yehla bathi lonke Intaba yaseZiyon, intlomo yasentla, Umzi woKumkani omkhulu.

³UThixo, ezingxandeni zawo ezinde, Wazelwa ukuba yingxonde.

⁴Kuba nabo ookumkani babenqophisene, Bawela beza kunye;

⁵Bakuthi ukubona, abakhuluma; Bakhwankqa, babaleka buphuthuphuthu;

⁶Babanjwa khona kukuthuthumela, Kukuzibhijabhija njengozalayo.

⁷Ngomoya wasempumalanga Uyazivitha iinqanawa zaseTarshishe.

⁸Njengoko sikuvileyo, sibone kunjalo Emzini kaYehova wemikhosi, emzini kaThixo wethu: UThixo uyawuzinzisa ngonaphakade. (Phakamisani.)

⁹Sayikhumbula, Thixo, inceba yakho Phakathi kwetempile yakho.

¹⁰Njengoko linjalo igama lakho, Thixo, Lunjalo udumiso lwakho, Kwesa eziphelweni zehlabathi; Isandla sakho sokunene sizele bubulungisa.

¹¹Mayivuye intaba yaseZiyon, Agcobe amagxamesi akwaYuda, Ngenxa yezigwebo zakho.

¹²Yijikelezeni iZiyon, niyizunguleze; Zibaleni iinqaba zayo ezinde.

¹³Gqalani ungqameko lomsele wayo; Candani ezingxandeni zayo ezinde; Ukuze nibalisele isizukulwana esizayo,

¹⁴Ukuba lo Thixo nguThixo wethu ngonaphakade kanaphakade, Yena uya kusikhapha kude kuse ekufeni.