Psalms 20

¹Mag die HERE u verhoor in die dag van benoudheid! Mag die Naam van die God van Jakob u beskerm!

²(20:3) Mag Hy u hulp stuur uit die heiligdom en u ondersteun uit Sion!

³(20:4) Mag Hy dink aan al u spysoffers en u brandoffer met welgevalle aansien! Sela.

⁴(20:5) Mag Hy u gee na u hart en al u voornemens vervul!

⁵(20:6) Ons wil juig oor u oorwinning en die vaandels opsteek in die Naam van onse God. Mag die HERE al u begeertes vervul!

⁶(20:7) Nou weet ek dat die HERE sy gesalfde verlos; Hy sal hom verhoor uit sy heilige hemel met magtige dade van verlossing van sy regterhand.

⁷(20:8) Sommige roem op strydwaens en ander op perde, maar óns sal roem op die Naam van die HERE onse God.

⁸(20:9) Húlle het inmekaargesak en geval, maar óns het opgestaan en ons weer opgerig.

⁹(20:10) HERE, verlos die koning! Mag Hy ons verhoor op die dag as ons roep!